Ez 12:3 - Kaqchiquel Bible

³ Roma ri' tachojmirisaj k'a juba' ri nik'atzin chawe, achi'el xa ta at beneq pa ximonri'il. Katel-el ri tiqaq'ij y yabe-kela' yabe-kela' xtaben. Toq ri awinaq xkatkitz'et rik'in juba' xtiq'ax chikiwech chi rije' e jun tinamit richin yakatajinenri'il. Y toq xkatane' katzolin-pe pan awachoch.

Ez 12:3 ပူးပေါင်းရင်းမြစ်များ

Wuj Richin Bix Chire ri Dios 81:13

¡K'ate' ta xinkak'axaj ri tinamit Israel! ¡k'ate' ta xkitzeqelibej ri bey wichin yin!

Wuj Richin ri Jeremías 10:17

K'ari' xinbij chike ri nuwinaq: Tik'olo-el ronojel ri kan iwichin rix roma sutin chik iwij.

Wuj Richin ri Jeremías 26:3

Rik'in juba' xtikinimaj atzij y nikiya' kan ri itzel taq kibanobal. Y wi keri', man xtinya' ta rutojbalil-mak pa kiwi'.

Wuj Richin ri Jeremías 27:2

Y xubij chuwe: Tabana' jun yugo y taxima' chi'aqul rik'in jun kolo'. K'ari' tataqa-el re rutzijol re' chire ri rey richin Edom, ri rey richin Moab, ri rey richin Amón, ri rey richin Tiro y chire ri rey richin Sidón, re rutzijol re' xtateq-el chikij ri e ya'ol rutzijol ri e peteneq pa Jerusalem, richin nokitz'eta' kan ri k'ak'a' rey rubini'an Sedequías.

Wuj Richin ri Jeremías 36:3

Rik'in juba' xtikak'axaj ta ri awinaq ri itzel ri ninch'ob richin ninya-pe pa kiwi' y nitzolin ta pe kik'u'x chikijujunal rije' chupan ri itzel laj bey ri kik'uan kan. K'ari' yin xtinkuy ri itzel taq kibanobal y ri kimak, xcha' chuwe.

Wuj Richin ri Jeremías 36:7

Rik'in juba' xtapon ri kich'owen rik'in ri Jehová y chikijujunal nitzolin-pe kik'u'x chupan ri itzel bey ri kik'uan, roma ri Jehová kan janila yakatajineq royowal y ri royowal ri yakatajineq kan xuk'ut pa ruwi' re tinamit re', xicha' chire.

Wuj Richin ri Jeremías 7:26

Jak'a ri iwati't-imama' xa man xkinimaj ta nutzij y man jun rejqalen xkiben chire ri nuch'abel. Y xa kan xkikowirisaj ri kánima y xa kan más itzel xkiben rije' chikiwech ri kati't-kimama'.

Ez 12:7

Yin kan xinben k'a ronojel ri xubij ri Jehová chuwe. Ja ri tiqaq'ij xinben-qa ri rutzil ri xtink'uaj-el, kan achi'el nuben jun wineq ri nuk'uex-el k'a juk'an chik. Y ri chi'aq'a' xinteq'uj ri tz'aq akuchi yinel-wi-el y xink'uaj-el chuwi-nutele'n ri nik'atzin chuwe. Y xinben ronojel re' chikiwech konojel ri nuwinaq.

Ez 3:26

Y man xaxe ta ri', yin kan xtinben chire ri awaq' chi niq'ate' kan pan achi' y xkamemur, richin keri' man xkatikir ta xke'ach'olij ri awinaq, stape' rije' kan e jun ijatzul ri kan nikipaba-ki'.

Ez 3:27

Jak'a toq yin k'o ninwajo' ninbij chawe, xtinya' chik ri ach'abel y k'ari' xtabebij chike ri rutzijol. Y ri nrajo' nrak'axaj kan trak'axaj k'a. Y ri man nrajo' ta nrak'axaj kan man k'a trak'axaj, roma rije' kan e jun tinamit ri yalan itzel, xcha'.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Ez 43:11

Y wi xkek'ixbitej roma ri kibanobal k'ari' xtabij ronojel chike ri achike rubanik ri wachoch y ri achike ek'o chupan, ri akuchi niban-wi oken y elen y chijun k'a rubanik ri jay y ri achike rubanik ri pixa' ri k'o chi nikitaqej. Tatz'ibaj ronojel re' chikiwech richin chi nikitz'et ri achike rubanik y kan xtikiben. Tatz'ibaj chuqa' ronojel ruwech pixa' richin kan nikiben ri nubij.

San Lucas 13:34

K'ari' ri Jesús xch'on chik, y xubij: Aj-Jerusalem, aj-Jerusalem, ¿achike k'a roma toq ye'ikamisala' ri achi'a' ri yeq'alajirisan ruch'abel ri Dios, y ye'ikamisala' chi abej ri yeruteq-pe ri Dios chi'ikojol? Yin kan janila k'a bey ri xinwajo' chi xixinmol ta wik'in, achi'el nuben ri kite-ek' chike ri taq ral, yerumol chuxe' ri ruxik'. Jak'a rix kan man jun bey xiwajo' ta.

San Lucas 20:13

K'ari' ri rajaw ri ulew xubij-qa: ¿Achike chik k'a ri xtinteq-el? Wakami ninteq-el ri nuk'ajol ri janila ninwajo', roma rik'in juba' toq xtikitz'et chi ja ri nuk'ajol ri napon, xkeniman chire toq xtikitz'et, xcha-qa.

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.