Ez 12:13 - Kaqchiquel Bible

¹³ Jak'a yin Jehová kan xtinben k'a chire ri rey achi'el xa ta xtinrik' jun ya'l chirij y xtiqaqa pa pikbel. Y stape' rija' xtik'amer-pe pa Babilonia, man xtutz'et ta kan ri ruwach'ulew y wawe' k'a xtiken-wi.

Ez 12:13 ပူးပေါင်းရင်းမြစ်များ

Wuj Richin ri Achin Job 18:10

Ri pikbel kan jebel muqun kan rij, y k'o kan chiri' pa bey ri akuchi niq'ax-wi.

Wuj Richin ri Achin Job 19:6

Rix xa kan man iwetaman ta k'a chi ja ri Dios ri banayon kere' chuwe, xa kan ja rija' ri xya'on ri pikbel richin chi yin xiqaqa chupan.

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Wuj Richin Bix Chire ri Dios 66:11

Xaya' k'a q'ij chi xojqaqa chupan jun pikbel; xaya' k'a jun nimalej ejqa'n pa qawi'.

Wuj Richin ri Jeremías 24:8

Roma ri Jehová kere' nubij: Achi'el ri wíkix ri janila e itzel, roma kan janila e q'ayineq man yatikir natej, keri' xtinben rik'in ri Sedequías rey richin Judá y kik'in chuqa' ri aj-raqen y ri ch'aqa' chik winaqi' ri xekanej kan pa Jerusalem, ri xek'oje' kan chupan re ruwach'ulew re' y ri ek'o chiri' pa ruwach'ulew Egipto.

Wuj Richin ri Jeremías 32:5

Chuqa' xabij chi rija' xkiruk'uaj-el pa Babilonia y ri chiri' ja ri Jehová xtiya'on ruk'ayewal pa nuwi'. Y chuqa' xabij chi stape' roj xtiqaben oyowal kik'in rije', kan man xqojch'akon ta, xacha' chuwe.

Wuj Richin ri Jeremías 34:3

Jak'a rat Sedequías, man xkakolotej ta kan pa ruq'a'. Xa kan xkatkichop-el y xkatkik'uaj-el pa ruq'a' ri Nabucodonosor. Y kan xtich'on awik'in y k'ari' xkaruk'uaj-el pa Babilonia.

Wuj Richin ri Jeremías 37:17

K'ari' ri rey Sedequías xubij chi kinuk'uex-el pan ewel pa rachoch rija'. Y toq xinapon rik'in, xuk'utuj chuwe: ¿K'o kami jun rutzijol ri xuteq-pe ri Jehová? Y yin xinbij chire chi k'o. Y xinbij chire chi rija' xtiqaqa pa ruq'a' ri rey richin Babilonia.

Wuj Richin ri Jeremías 39:7

Y xuteq rubixik chi telesex runaq' taq ruwech ri Sedequías. Xuxim-el rik'in cadena ri banon rik'in q'enq'oj-pueq y xuk'uaj-el pa Babilonia.

Wuj Richin ri Jeremías 50:24

Yin xinben jun pikbel kichin ri aj-Babilonia y kiyon rije' xetzaq chupan. Kan xeqaqa k'a pa pikbel roma kan xkipaba-ki' chinuwech.

Wuj Richin ri K'uxla'anik 1:13

K'a chila' chikaj xuteq-pe q'aq' pa qawi' y ri q'aq' ri' kan yeruk'et ri qabaqil. Xuya' k'a pikbel pa qabey, y re' kan xojrujaq'mayij kan chiqij. Xojrumalij kan, y xojruya' kan rik'in q'axo'n ronojel q'ij.

Wuj Richin ri K'uxla'anik 3:47

Xqaqa k'a pa qawi' nimalej xibinri'il, k'iy pikbel, nima'q taq wululen y tijoj-poqonal. Ronojel re q'axo'n re' qajineq pa qawi'.

Ez 12:6

Chikiwech k'a rije' xkatel-wi-el toq nok yan qa ri aq'a' y xtajekej k'a el ri k'atzinel chawe y xtatz'apej k'a el ri apalej richin man natzu' ta kan ri ruwach'ulew ri naya' kan. Keri' xkatok jun retal chikiwech, xcha'.

Ez 17:16

Yin Jehová ninya' nutzij chi kan xtiken ri rey ri' ri chiri' pa Babilonia, roma xuben chire ri rutzij ri xuya' chi man jun rejqalen y man xutaqej ta ri jikibel-tzij ri xuben rik'in ri rey ri xya'on kan ri q'atbel-tzij pa ruq'a'.

Ez 17:20

Yin xtinben k'a chire chi achi'el xtiqaqa pa jun ya'l y kan rik'in ri' xtinchop-wi. K'ari' xtink'uaj-el pa ruwach'ulew Babilonia y chiri' k'a xtinbenq'ata-tzij pa ruwi', roma man xuben ta ri xinwajo' yin.

Ez 32:3

Roma ri' yin Jehová ninbij chi xkenk'en-pe k'iy tzobaj winaqi' richin xtikik'eq jun ya'l pan awi' richin xkatkichop.

Os 7:12

Toq xkebe chuk'utuxik, yin kan xtinya' k'a achi'el jun ya'l richin pikbel, richin chi yetzaq chupan, achi'el toq yeqaqa ri aj-xik' taq chikopi' chupan ri pikbel. Xtinya' k'a rutojbalil ri kimak pa kiwi', roma ri itzel xekibanala'.

San Lucas 21:35

Y ri q'ij ri' xa xtoqaqa achi'el jun kolo' ri nirarin. Keri' rubanik toq xtoqaqa pa kiwi' konojel ri winaqi' ri ek'o chuwech re ruwach'ulew.