Ez 12:11 - Kaqchiquel Bible

¹¹ Y chuqa' k'o chi ninbij chi yin xinok jun retal chike ri nuwinaq ri ek'o wik'in, roma achi'el k'a ri xinben yin keri' xtiban chike ri ek'o kan pa Jerusalem toq xke'elesex-el y xke'uk'uex pa ximonri'il.

Ez 12:11 ပူးပေါင်းရင်းမြစ်များ

2 Rey 25:11

Y k'ari' xeruk'uaj k'a el ri winaqi' ri k'a ek'o na kan chiri' pa Jerusalem, chuqa' ri winaqi' ri junan kiwech xkiben kik'in ri aj-Babilonia y ri ch'aqa' chik winaqi' aj-Judá.

2 Rey 25:7

Ri aj-Babilonia xebekik'ama-pe ri ruk'ajol ri Sedequías, y kan ja ri chuwech rija' xekikamisaj. K'ari' xekelesaj ri ka'i' runaq' taq ruwech ri Sedequías y xkixim rik'in cadena banon rik'in q'eqapueq, y xkik'uaj k'a pa Babilonia.

Wuj Richin ri Jeremías 10:17

K'ari' xinbij chike ri nuwinaq: Tik'olo-el ronojel ri kan iwichin rix roma sutin chik iwij.

Wuj Richin ri Jeremías 15:2

Y wi nikik'utuj akuchi yebe-wi, tabij chike: Ri kan k'o chi yeken roma ri nima-yabil, kan xkeken roma ri', ri k'o chi xkeken pa labal, kan xkeken roma ri', ri k'o chi xkeken roma wayjal, kan xkeken roma ri' y ri k'o chi xke'uk'uex-el pa ximonri'il, kan xkebe pa ximonri'il.

Wuj Richin ri Jeremías 52:15

K'ari' ri Nebuzaradán xeruk'uaj pa ximonri'il k'a kela' pa Babilonia, ri winaqi' ri man jun k'o kik'in, ri winaqi' ri k'a xek'oje' na kan pa tinamit, ri winaqi' ri xeq'ax rik'in ri Nabucodonosor y ri winaqi' ri nikiben jalajoj ruwech samaj.

Ez 12:3

Roma ri' tachojmirisaj k'a juba' ri nik'atzin chawe, achi'el xa ta at beneq pa ximonri'il. Katel-el ri tiqaq'ij y yabe-kela' yabe-kela' xtaben. Toq ri awinaq xkatkitz'et rik'in juba' xtiq'ax chikiwech chi rije' e jun tinamit richin yakatajinenri'il. Y toq xkatane' katzolin-pe pan awachoch.

Ez 12:6

Chikiwech k'a rije' xkatel-wi-el toq nok yan qa ri aq'a' y xtajekej k'a el ri k'atzinel chawe y xtatz'apej k'a el ri apalej richin man natzu' ta kan ri ruwach'ulew ri naya' kan. Keri' xkatok jun retal chikiwech, xcha'.

Ez 4:1

Ri Jehová xubij k'a chuwe: Rat Ezequiel, kan chikiwech k'a ri winaqi' tabek'ama-pe jun xan y rik'in ri xan ri' tabana' jun ruwachibel ri tinamit Jerusalem.

Ez 4:3

Xeri' nabek'ama-pe jun xot ri banon rik'in q'eqapueq y jari' xtok achi'el jun tz'aq rat y ri ruwachibel ri tinamit ri'. Y k'ari' xkak'oje' chuwech re tinamit achi'el xa ta nachop chi oyowal. Y re' xtok jun retal chikiwech ri awinaq israelita.

Wuj Richin ri Zacarías 3:8

Wakami k'a, tawak'axaj rat Josué ri at nimalej sacerdote y ri e awachibil. Roma rix kan ix achi'el jun retal richin ronojel ri xtipe, y yin xtink'en-pe ri nusamajel ri xtetamex ruwech chi ja rija' ri xjotayin-pe.