Ez 11:21 - Kaqchiquel Bible

²¹ Jak'a ri ch'aqa' chik winaqi' ri xa k'a nikirayij nikiben ri itzel taq banobel ri yenwixowaj yin y nikiya' ruq'ij ri wachibel, kan xtinya' k'a tijoj-poqonal pa kiwi'. Yin Jehová ri yibin, xcha'.

Ez 11:21 ပူးပေါင်းရင်းမြစ်များ

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Wuj Richin ri Molojri'il 11:9

Rat ri k'a at k'ajol ala' na, kan kakikot k'a chupan ri ak'ajolil. Rokik ri k'a at k'ajol na, k'iy k'a ri nawajo' naben chupan ri ak'aslen. Y kan jari' ri tabana', xaxe k'a man tamestaj chi ja ri Dios k'o pa ruwi' ronojel, y k'o jun q'ij kan xtuq'et chuqa' tzij pa ruwi' ronojel banobel.

Ez 22:31

Roma ri' kan xtinwelesaj k'a woyowal chikij y kan xkenk'is roma ri ruq'aq'arinen ri woyowal, richin keri' niqaqa pa kiwi' rije' ri kimak. Yin Jehová ri yibin, xcha'.

Ez 11:18

Y toq xkixtzolej-pe, rix kan xtimalij k'a kan ronojel ruwech itzel taq banobel y ri jalajoj kiwech wachibel ri k'o iwik'in.

Wuj Richin ri Jeremías 1:16

Xtinya' rutojbalil-mak pa kiwi' ri awinaq aj-Judá roma ronojel ri mak ri xkiben chinuwech yin. Xinkimalij kan, richin xkiporoj pom y xexuke' chikiwech ri ch'aqa' chik dios ri xa ja rije' e banayon.

Judas 1:19

Y ja winaqi' re' ri yebanon chike ri qach'alal chi nikich'arala-ki', rije' xa ja ri itzel ch'obonik uk'uayon kichin y man ja ta ri Loq'olej Espíritu.

Hebreos 10:38

Ri winaqi' ri choj kik'aslen kan xkek'ase' rik'in ri kikuqubabel-k'u'x. Jak'a wi xkinkimalij kan, man xtikikot ta ri wánima kik'in.

Ez 20:38

Xkenwelesaj k'a el chi'ikojol ri man e nimey ta tzij y ri e yakatajineq chuwij. Jak'a rix xkixinwelesaj chupan ri jalajoj kiwech ruwach'ulew ri akuchi ixk'o-wi y man xkixok ta chi'iwonojel chupan ri ruwach'ulew Israel. Kere' xtinben richin xtiwetamaj chi ja yin Jehová.

Ez 20:31

Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Ez 16:43

Xtibek'uluwachitej re' roma rat kan man noqaqa ta chi'ak'u'x achike rubanik toq yin xatinyek-q'anej y xa xaben achi'el jun ixoq itzel ruk'aslen, y roma ri' yin xyakatej janila woyowal. Y jak'a re wakami xtinben chawe chi xtiqaqa ri rutojbalil-mak pan awi',

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Jeremías 16:11

K'ari' rat Jeremías, xtabij chike chi roma ri iwati't-imama' xinkimalij kan y xebe chikij ch'aqa' chik dios richin chi nikiya' kiq'ij y xekisamajij y man xkiben ta ri nubij ri pixa'.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

Ez 20:16

Xinben keri' roma xa xkixowaj ri ruchojmilal, man xkinimaj ta ri nupixa' y xkiben chire ri q'ij richin uxlanen chi man jun rejqalen. Xa xbe kánima chirij ri wachibel ri nikiya' kiq'ij.

Ez 7:3

Kan xtinwelesaj k'a woyowal chiwij y kan xtinch'ojij k'a chiwe ronojel ri itzel taq ibanobal, roma kan man niqa' ta chinuwech yin.

Ez 7:8

Kan ja yan re wakami xtinwelesaj woyowal chiwij. Kan k'a xkitane' na chire ri q'atoj-tzij pan iwi', k'ari' xtich'uch'u' ri wánima chiwij. Kan xtinben k'a keri' chiwe, roma ri itzel taq banobel ri ye'iben, kan man niqa' ta chinuwech y kan man utz ta nintz'et yin.

Ez 14:3

Re achi'a' re' kijachon-ki' richin nikiya' kiq'ij ri wachibel y kan kijachon-ki' richin yemakun. Roma ri' yin man xtinya' ta pixabanik chike.