Ez 11:16 - Kaqchiquel Bible

¹⁶ Roma ri' ri Dios xuya' re jun rutzijol re' chuwe, ri nubij rija' pa kiwi' ri man xebe ta pa ximonri'il. Kere' k'a nubij: Yin xinelesan-el kichin rije' chi'ikojol rix y xentaluj pa taq ruwach'ulew richin e nuchajin jebel chiri' ka'i-oxi' q'ij.

Ez 11:16 ပူးပေါင်းရင်းမြစ်များ

Wuj Richin ri Isaías 8:14

Yin kan xkinok k'a jun tobel chawe rat. Jak'a chike ri awinaq aj-Judá y ri aj-Israel, man keri' ta. Chike rije' xa xkinok achi'el jun abej ri nikipajk'ij kaqen chirij. Xkinok achi'el jun pajk'ibel chike ri winaqi' aj-Jerusalem.

Wuj Richin Bix Chire ri Dios 90:1

Ajaw, kan ja rat ri at qatobal, keri' jantape' oj peteneq ri chi wiq chi tanaj.

Wuj Richin ri Jeremías 31:10

Chi'iwonojel rix tzobaj winaqi' ri ixk'o pa taq taq'aj ri ek'o nej, tiwak'axaj ri nuch'abel. Ri xtalun kichin ri tinamit Israel, wakami xkerumol y xkeruchajij, achi'el nuben jun yuq'unel kik'in ri rukarne'l.

Wuj Richin ri Jeremías 30:11

Yin kan ink'o iwik'in richin yixinkol. Kan xkenk'is k'a konojel tzobaj winaqi' ri akuchi xixintaluj-wi. Jak'a rix kan man xkixink'is ta y kan xtinq'et-tzij pan iwi' rik'in ruchojmilal, roma kan man xkixinya' ta kan choj keri'. Yin Jehová ri yibin.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin Bix Chire ri Dios 44:11

Xojajech k'a achi'el toq nuk'uex jun karne'l richin nibekamisex. Xa xojataluj k'a el chikikojol winaqi' ri man yatkitzeqelibej ta rat.

Wuj Richin Bix Chire ri Dios 31:20

Kan ye'achajij k'a chuwech ri kich'obonik ri e banoy etzelal. Kan awik'in k'a rat nikito-ki' chire ri kiyoq'onik ri winaqi' ri'.

Wuj Richin ri Chojmirisabelri'il 26:44

Man rik'in ri' stape' ek'o pa kiruwach'ulew ri etzelanel kichin, man kan ta jumul xkenmalij kan richin man xkek'is ta jumul ri iwijatzul, richin keri' man xtik'is ta ri jikibel-tzij ri qabanon iwik'in rix israelita, roma ja yin Jehová ri i-Dios.

Wuj Richin ri Jeremías 42:11

Man tixibij-iwi' chuwech ri rey richin Babilonia, roma yin kan ink'o iwik'in richin yixinkol y yixinto' pa ruq'a'.

Wuj Richin ri Jeremías 26:11

K'ari' ri e sacerdote y ri nikibananej chi e q'alajirisey ri ruch'abel ri Dios xech'on kik'in ri aj-raqen y kik'in ri winaqi' richin chijun ri tinamit y xkibij chike: Re achin re' k'atzinel richin nikamisex roma kan xch'on itzel chirij ri qatinamit y rix kan jebel xiwak'axaj, xecha'.

Wuj Richin ri Jeremías 26:7

Ri e sacerdote, ri nikibananej chi e q'alajirisey ruch'abel ri Dios y chijun tinamit xkak'axaj k'a re ch'abel re' ri xinbij chiri' chupan ri rachoch ri Jehová.

Wuj Richin ri Isaías 4:5

K'ari' ri paq'ij ri Jehová xtuya' pa kiwi' konojel winaqi' ri kimolon-ki' ri chiri' pa juyu' Sión, jun sutz' ri achi'el sib. Y ri chaq'a' xtuya' jun saqil rik'in ruxaq q'aq'. Re k'ojlemal re' xtik'atzin richin kitobal ri winaqi' ri ek'o chiri'.

Wuj Richin ri Jeremías 29:7

Kan kixsamej k'a richin nibe ta q'anej pa jotol ri ruwach'ulew ri akuchi ixk'o-wi. Kan tik'utuj k'a chuwe chi utz ta xtuben ri ajawaren ri', richin keri' kan utz chuqa' xkixk'oje' rix.

Wuj Richin ri Jeremías 29:11

Roma yin kan wetaman ri nuch'obon pan iwi' rix, ja ri utz ri nuch'obon pan iwi' y man ja ta ri itzel, richin chi ronojel utz ta xtel.

Wuj Richin ri Zacarías 2:6

Ri Jehová nubij chi kixanimej-pe ri pa ruwach'ulew ri k'o pa xaman, ri akuchi ixintalun-wi-el.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

Ez 20:23

Chuqa' chiri' pa tz'iran ruwach'ulew xinya' nutzij y xinbij chike chi xkentaluj-el chuwech chijun ruwach'ulew,