Ez 10:2 - Kaqchiquel Bible

² Ri Jehová xch'on k'a rik'in ri tz'ibanel y xubij chire chi tibiyin-apo chikikojol ri ki-rueda ri querubín, richin napon rik'in ri q'aq' ri k'o pa nik'aj. Xeri' k'o chi nuk'en-pe jujun racheq-q'aq' pa ruq'a' richin norukiraj pa ruwi' ri tinamit. Y ri achin ri' kan xintz'et toq xok-apo.

Ez 10:2 ပူးပေါင်းရင်းမြစ်များ

2 Rey 25:9

Y rija' xuya' k'a ruq'aq'al ri rachoch ri Jehová, ri rachoch ri rey, ronojel jay ri kichin ri e tata'al y ronojel ri jay ri k'o pa Jerusalem.

Wuj Richin Bix Chire ri Dios 140:10

Xtiqaqa ta k'a pa kiwi' rije' ri racheq-q'aq'; kan xkeya'ox ta k'a pa q'aq'. Xkek'aq ta k'a chupan jul ri nej qajineq rupan ri akuchi man jun bey xketikir xke-el-pe.

Wuj Richin Bix Chire ri Dios 18:10

Xch'oke' k'a el chirij jun querubín,*f16* y xexik'an-el pa kaq'iq'.

Ex 25:18

Y pa ruwi' ri tz'apebel ri', ri pa taq rutza'n xkeban jujun kiwachibel querubín ri nikitzu-ki'. Rik'in k'a q'anapueq xkeban-wi y xtiban kutzil rik'in bajibel.

Wuj Richin ri Isaías 30:30

Chupan ri q'ij ri', ri Jehová kan xtuben richin nak'axatej ri ruch'abel chi kan k'o runimirinen. Kan xtitz'etetej chi xtuyek ri ruq'a' chikaj richin nuya-pe ri ruk'ayewal. Ri nimalej royowal kan achi'el jun q'aq' ri kan yaruk'is. Chuqa' xtuya-pe koqolajay, nimalej kaq'iq', job y saqboch.

Ez 1:13

Rije' kan yesaqirisan achi'el nisaqirisan jun antorcha. Y chikikojol k'o achi'el racheq-q'aq' ri kan nik'a'on y chiri' nel-el achi'el koyopa'.

Ez 10:16

Y toq rije' yebiyin, ri rueda chuqa' yebiyin. Y toq ri querubín nikirik' ri kixik' richin yebe chikaj, ri rueda kan e kachibilan-el.

Ez 9:11

K'ari' ri tz'ibanel xuya' ri rutzijol chi xuben yan ronojel ri xbix chire.

Dn 7:9

Chirij ri' yin xintz'et k'a chi ek'o tz'uyubel richin q'atbel-tzij ri xechololex-qa. Xintz'et k'a jun chik tz'uyubel, y chiri' xtz'uye-wi ri k'aslik Dios. Ri rutziaq kan lox-lox k'a nitzu'un achi'el ri chuma-tew. Ri rusumal-ruwi' kan seq-seq, achi'el ri betz' seq. Ri rutz'uyubal richin ri ruq'atbal-tzij kan nik'a'on pa q'aq', Y chuxe-qa ri rutz'uyubal ek'o rueda, y ri ru-rueda kan keq-keq rubanon pa q'aq'.

Apocalipsis 8:5

Chirij ri' ri ángel xberuk'ama-pe ri porobel-pom y xunojisaj chi racheq-q'aq' ri k'o pa ruwi' ri porobel, k'ari' xuk'eq ri q'aq' ri pa ruwi' ri ruwach'ulew. Y jari' toq xepe koqolajay, koyopa' y silonel.