Ez 10:19 - Kaqchiquel Bible

¹⁹ Y re kaji' querubín re' xkirik' k'a el ri kixik' y kan chinuwech k'a yin xeyakatej-el. Y toq rije' xebe, chuqa' ri ki-rueda xebe. Y xebepa'e' chiri' pan okibel ri k'o pa relebel-q'ij chire ri rachoch ri Jehová. Y ri ruk'ojlemal ri Dios richin Israel xbepa'e' pa kiwi' rije'.

Ez 10:19 ပူးပေါင်းရင်းမြစ်များ

Ez 10:1

Y xeri' yin xintz'et chik jun bey ri tz'uyubel ri k'o-q'anej pa ruwi' ri wokowik, ri k'o-q'anej pa kiwi' ri e kaji' querubín.

Ez 11:1

Y chiri' ri Jehová xiruyek-el y xiruq'axaj pan okibel ri k'o pa relebel-q'ij chire ri rachoch rija'. Y chiri' ek'o e juwineq wo'o' achi'a' aj-raqen richin ri tinamit. Chikikojol k'a rije' k'o ri Jaazanías ruk'ajol ri Azur y ri Pelatías ruk'ajol ri Benaías.

Ez 43:1

Y ri achin xiruk'uaj chik k'a pan okibel richin ri tz'aq ri nitzu'un pa relebel-q'ij.

Ez 43:2

Y jari' toq ri ruk'ojlemal ri Dios kichin ri winaqi' israelita peteneq kere' pa relebel-q'ij. Kan niwajin peteneq achi'el toq niwajin jun nimalej raqen-ya' y ri ruwach'ulew kan xnoj rik'in rusaqil richin ri ruk'ojlemal.

Ez 43:4

Y ri ruk'ojlemal ri Jehová xok k'a apo pan okibel ri nitzu'un pa relebel-q'ij.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.