Ez 1:24 - Kaqchiquel Bible

²⁴ Xinwak'axaj k'a chi ri kixik' kan janila niq'ajan toq yexik'an pa kaq'iq'. Kan yewajin achi'el niwajin jun raqen-ya'. Kan nak'axatej achi'el xa ta ri ruch'abel ri Dios ri k'o ronojel uchuq'a' pa ruq'a', y chuqa' achi'el xa ta e janila e k'iy winaqi' ek'o. Y toq man xexik'an ta chik xkiqasaj-qa ri kixik'.

Ez 1:24 ပူးပေါင်းရင်းမြစ်များ

2 Rey 7:6

roma ri Jehová xuben chike ri aj-Siria chi xkak'axaj chi kan janila carruaje yeq'ajan; keri' chuqa' kaqen ri kiej, y janila aj-labal. Y xkibij k'a qa chikiwech: Wakami ri rey richin Israel xeberuk'ama-pe ri aj-labal hitita y ri aj-Egipto, richin nokibana' oyowal qik'in, xecha-qa.

Wuj Richin ri Achin Job 37:2

Kan tiwak'axaj k'a ri ruch'abel ri Dios kan achi'el niwulul ri koqolajay, kan niwulul k'a ri ch'abel ri nel-pe pa ruchi' rija'.

Wuj Richin Bix Chire ri Dios 18:13

Ri nimalej Jehová xch'on k'a pe chupan ri sutz' ri'. kan janila kow xch'on achi'el niq'ajan ri koqolajay.

Wuj Richin Bix Chire ri Dios 68:33

tikinimirisaj ruq'ij ri nibiyajilan pa ruwi' ri kaj ri kan k'o-pe tibe-q'ij tibe-seq! Rija' xtuben chi kan xtak'axatej ri ruch'abel ri kan k'o uchuq'a' ruk'uan.

Ez 10:5

Ri kixik' ri querubín kan niq'ajan y kan nak'axatej k'a ri jun chik ruwa-jay. Y nawak'axaj chi kan achi'el ja ta ri Jehová nich'on-pe.

Ez 3:13

Y re ch'abel re' ja ri kixik' ri e kaji' ri k'o kik'aslen, toq nutun-ri' ri kixik' y toq niq'ajan ri ki-rueda.

Ez 43:2

Y jari' toq ri ruk'ojlemal ri Dios kichin ri winaqi' israelita peteneq kere' pa relebel-q'ij. Kan niwajin peteneq achi'el toq niwajin jun nimalej raqen-ya' y ri ruwach'ulew kan xnoj rik'in rusaqil richin ri ruk'ojlemal.

Dn 10:6

Ri rutz'umal kan nich'ich'an, y ri rupalej kan nisaqirisan achi'el nisaqirisan ri koyopa'. Y ri pa taq runaq'-ruwech achi'el xa ta ruxaq-q'aq'. Y ri e ruq'a-raqen achi'el ri q'enq'oj-pueq ri jebel josq'in nitzu'un, y ri ruch'abel kan achi'el kich'abel e k'iy winaqi'.

Apocalipsis 1:15

Ri raqen nirepelun achi'el ri q'enq'oj-pueq toq niya'erisex pan horno. Y ri ruch'abel kan janila niwajin, achi'el yewajin ri raqen taq ya'.

Apocalipsis 19:6

Y xinwak'axaj chi ri ch'abel ri niwajin ri chikaj, kan achi'el yewajin raqen taq ya', y chuqa' achi'el niq'ajan ri koqolajay. Y nikibij: Tinimirisaj rubi' ri ajaw ri qa-Dios, ri kan k'o ronojel uchuq'a' rik'in, roma ja rija' ri niq'aton-tzij.