Ez 1:22 - Kaqchiquel Bible

²² Pa kiwi-q'anej rije' k'o k'a jun ri achi'el chay nitzu'un, wokowik ri kan namey rubanik.

Ez 1:22 ပူးပေါင်းရင်းမြစ်များ

Ez 10:1

Y xeri' yin xintz'et chik jun bey ri tz'uyubel ri k'o-q'anej pa ruwi' ri wokowik, ri k'o-q'anej pa kiwi' ri e kaji' querubín.

Apocalipsis 4:6

Ri chuwech-apo ri tz'uyubel ri', k'o k'a jun achi'el palou ri chay-chay nitzu'un. Ri tz'uyubel ri' sutin-apo-rij koma e kaji' ri k'o kik'aslen y kan nojineq kij rik'in wachaj, keri' chikij y chikiwech.

Ez 1:26

Y pa ruwi' ri', xintz'et k'a chi k'o jun ri achi'el rubanik jun tz'uyubel, ri niyok'olin achi'el jun jebelej raxroj-abej y pa ruwi' ri' niyakatej-el jun achi'el wineq.

Apocalipsis 21:11

Y re tinamit re', kan niyik'lun roma ri rusaqil ri Dios; kan achi'el niyik'lun ri abej jaspe, kan rex y keq nitzu'un achi'el ri chay.

Apocalipsis 4:3

Y ri rubanik ri tz'uyul chupan ri tz'uyubel ri' kan niyok'olin nitzu'un, achi'el ri abej jaspe y ri cornalina. Ri tz'uyubel ri' sutin-rij roma jun kotoq'a' re' rex-rex nitzu'un, achi'el ri abej esmeralda.

Wuj Richin ri Achin Job 37:22

Y toq xtibek'ulun k'a pe ri Dios re kere' pa xaman, kan xtibech'ich'an- pe y kan q'en-q'en k'a ri xtitzu'un-pe, y ri rubanik k'a ri Dios kan nuya' xibinri'il, roma kan niq'alajin rik'in ronojel ruq'ij-ruk'ojlen.

Ex 24:10

Y rije' xkitz'et k'a ri Dios richin ri Israel ri chiri' y ri akuchi pa'el-wi rija' jun k'a nimalej ripirik abej rubini'an zafiro, niyok'olin y ch'ajch'oj-ch'ajch'oj nitzu'un ri ruwi', kan achi'el ri kaj toq ch'ajch'oj-ch'ajch'oj ri ruwech.

Ez 1:25

Toq xkiqasaj-qa ri kixik', jari' toq xak'axatej jun ch'abel pa ruwi-q'anej ri wokowik.

Ez 10:20

Ja ri e kaji' ri k'o kik'aslen ri xintz'et ri chiri' chunaqaj ri raqen-ya' Quebar, kan ja querubín ri'.