Ez 1:18 - Kaqchiquel Bible

¹⁸ Y xintz'et k'a chi ri rusutilen ri kaji' ki-rueda nej k'a jotol chikaj y nojineq rik'in runaq' taq kiwech y kan nak'en k'a kikiy.

Ez 1:18 ပူးပေါင်းရင်းမြစ်များ

1 Rey 7:33

y banon chire chi achi'el ri ki-rueda ri carruaje richin oyowal: Ri setesik ch'ich' ri k'o pa kinik'ajal, ri nitunu kichin ri rueda, ri setesik chik ri k'o chirij y chuqa' ri ch'ich' ri chapayon richin ri rueda. Ronojel re' e banon rik'in q'enq'oj-pueq.

Wuj Richin Etamabel-Tzij 15:3

Ri rutzubal ri Jehová, xabakuchi k'a napon-wi; ri runaq' taq ruwech kan ek'o k'a pa kiwi' ri utzilej y ri itzelej taq banobel.

Wuj Richin ri Isaías 55:9

Achi'el k'a ri kaj ri k'o más nej chire ri ruwach'ulew, kan keri' k'a ri nubey, kan más nim chuwech ri ibey rix, y ri nuch'obonik yin kan más nim chuwech ri ich'obonik rix.

Ez 10:12

Ri ruche'el-kij, ri kiq'a', ri kixik' y chijun ri kich'akul kan e nojineq chi runaq'-wachaj y keri' rubanon chikijujunal ri ki-rueda,

Apocalipsis 4:6

Ri chuwech-apo ri tz'uyubel ri', k'o k'a jun achi'el palou ri chay-chay nitzu'un. Ri tz'uyubel ri' sutin-apo-rij koma e kaji' ri k'o kik'aslen y kan nojineq kij rik'in wachaj, keri' chikij y chikiwech.

Apocalipsis 4:8

Y ri kaji' ri k'o kik'aslen ox-ox k'a k'ulaj kixik' k'o y kan nojineq ri kij y ri chuxe' taq kixik' rik'in wachaj. Y man yetane' ta k'a qa chuya'ik ruq'ij ri Dios y chi paq'ij chi chaq'a' nikibij: Loq'olej, loq'olej, loq'olej ajaw. Ajaw Dios ri kan k'o ronojel uchuq'a' awik'in. Rat ri kan atk'o-pe pa rutikeribel, ri atk'o wakami y xkak'oje' chuqa' re xtibe-apo, yecha'.