Ex 9:9 - Kaqchiquel Bible

⁹ Y ri aq'ab ri' kan kok'-kok' k'a xtuben y xtutaluj-ri' pa ruwi' chijun ri ruwach'ulew Egipto y re' xtuben chike chi xtipe ruk'aqatil ri kich'akul y xtich'akan. Keri' chikij ri winaqi' y chikij chuqa' ri kawej, xcha'.

Ex 9:9 ပူးပေါင်းရင်းမြစ်များ

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Deut 28:27

Ri Jehová xtuben chiwe richin xtitej poqon rik'in yabil achi'el ri awas achi'el xpe chike ri aj-Egipto. Xtipe sipojik chiwij ri kan k'o rujeleb, ch'a'k y sal ri kan janila ruk'aqatil y man jun ri xtik'achoj chik chire ri yabil ri'.

Wuj Richin ri Achin Job 2:7

Ri Satanás xel k'a el chiri' rik'in ri Jehová, y kan xuya' k'a pa tijoj-poqonal ri Job y xuya' k'a ch'a'k chirij chijun ruch'akul ri janila ruchikopil.

Deut 28:35

Ri Jehová xtuben chiwe richin xtitej poqon rik'in awas pa taq ich'ek y xkebe'el-pe chijun ich'akul y kan man xkixaq'omatej ta chik.

Ex 9:8

Ri Jehová xubij chire ri Moisés y chire ri Aarón: Tik'uaj-el jujun moq' aq'ab pan iq'a' y toq yixapon chuwech ri rey, rat Moisés kan tak'aqa' k'a ri aq'ab chikaj.

Ex 9:10

K'ari' ri Moisés y ri Aarón kan xkimoq'ej k'a el ri aq'ab pa taq kiq'a' y xebe rik'in ri rey. Y chiri' ri Moisés xujopij ri aq'ab chikaj y kan xpe k'a ch'a'k chikij ri winaqi' aj-Egipto y chikij ri kawej.