Ex 9:33 - Kaqchiquel Bible

³³ Y toq ri Moisés xel-el chupan ri tinamit toq k'a juba' tich'on kan rik'in ri rey, jari' toq xuyek ri ruq'a' chikaj y xch'on rik'in ri Jehová y jari' toq xtane-qa ri koqolajay, ri saqboch y xtane' chuqa' ri job ri najin pa ruwi' ri ruwach'ulew.

Ex 9:33 ပူးပေါင်းရင်းမြစ်များ

Ex 9:29

Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.

Ex 8:12

K'ari' ri Moisés y ri Aarón xe'el-pe rik'in ri rey. Jari' toq ri Moisés kan rik'in uchuq'a' xuk'utuj chire ri Jehová Dios chi kerelesaj ri xkalet ri e rutaqon-pe chirij ri rey.

Ex 9:32

Jak'a ri trigo y ri jun chik ruwech tiko'n rubini'an centeno, roma xa k'arunaj ye'el-pe, ri saqboch man jun xuben chike.

Ex 9:34

Jak'a toq ri rey xutz'et chi ri job, ri saqboch y ri koqolajay xetane', kan xmakun chik k'a jun bey. Rija' y ri aj-raqen kan xkikowirisaj k'a ri kánima.

1 Rey 8:22

K'ari' ri Salomón xbek'oje' chuwech-apo ri porobel richin ri Jehová chikiwech-apo ri rijatzul ri Israel ri kimolon-ki' chiri', y k'ari' xutzeqej-q'anej ri ruq'a' chikaj,

Ex 8:8

Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.