Ex 9:28 - Kaqchiquel Bible

²⁸ Kixch'on k'a rik'in ri Jehová pa qawi' roj, roma xa man niqajo' ta chik koqolajay ni saqboch. Yin xa man ninwajo' ta chik yixk'oje-qa wawe', xcha' ri rey chike.

Ex 9:28 ပူးပေါင်းရင်းမြစ်များ

1 Rey 13:6

K'ari' ri rey Jeroboam xubij chire ri q'alajirisey ruch'abel ri Dios: Nink'utuj utzil chawe chi kach'on rik'in ri Jehová woma yin, y tak'utuj utzil chire chi re nuq'a' xtisilon ta chik, xcha'. Y ri achin ri' kan xch'on rik'in ri Jehová pa ruwi' ri rey, y ri ruq'a' kan xsilon chik achi'el ri rubanon kan.

Ex 10:17

Xa rik'in ta chik re jun bey re' nikuy ta numak, y tik'utuj chire ri Jehová ri i-Dios chi trelesaj pa nuwi' re jun nima-ruk'ayewal re', roma re' xa kan richin kamik, xcha'.

Ex 10:24

Y k'ari' ri rey xuteq royoxik ri Moisés y xubij chire: Kixbiyin y tibesamajij ri Jehová. Ke'ik'uaj ri iwixjayilal y chuqa' ri iwalk'ual, xaxe ri iwawej ke'iya' kan, xcha' ri rey chire.

Ex 10:8

Roma ri' ri rey xuteq koyoxik jun bey chik ri Moisés y ri Aarón, y xubij chike: Wakami más utz kixbiyin, y tibesamajij ri Jehová ri i-Dios, xaxe tibij chuwe ri achike ri k'o chi yebe, xcha'.

Ex 11:1

Ri Jehová kan rubin chik chire ri Moisés: K'a k'o na jun chik nima-ruk'ayewal ri ninya' pa ruwi' ri rey y pa kiwi' konojel ri ruwinaq. Chirij k'a re', k'ari' xtuya' q'ij chiwe richin yixel-el, y kan xkixroqotaj-el re wawe'.

Ex 8:25

K'ari' ri rey xuteq chik koyoxik ri Moisés y ri Aarón y xubij chike: Kixbiyin tibesuju' kamelabel chire ri i-Dios, jak'a man yixel ta el chupan ri ruk'ulba't ri Egipto, xcha'.

Ex 8:28

Y ri rey xubij: Yin kan xtinya' k'a q'ij chiwe richin xkixbe richin xtibesuju' kamelabel chire ri Jehová ri i-Dios pa tz'iran ruwach'ulew, jak'a man yixbe ta más nej y tibana' utzil xkixch'on rik'in ri i-Dios pa nuwi' yin, xcha'.

Ex 8:4

Ri xkalet ri' xkejoteyaj chawij rat, chikij ri asamajela' y chikij konojel ri awinaq, xkacha' chire ri rey, xcha' ri Jehová.

Ex 8:8

Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.

Wuj Richin ri Jeremías 21:2

Tabana' utzil kach'on rik'in ri Jehová pa qabi' roj, roma ri Nabucodonosor rey richin ri tinamit Babilonia xuchop yan richin nuben labal qik'in. Rik'in juba' ri Jehová nuben qik'in roj achi'el ri meyel taq banobel ri xuben ri ojer kan, richin chi yetzolin-el ri e etzelanel qichin, xecha'.

Wuj Richin ri Q'axanri'il 21:7

Roma ri' ri winaqi' xebe k'a rik'in ri Moisés y xkibij k'a chire: Roj kan xojmakun-wi k'a, roma itzel xojch'on chirij ri Jehová y chawij rat. Tabana' utzil kach'on rik'in ri Jehová y tak'utuj utzil chi kerelesaj-el re kumatzi' chiqakojol, xecha'. Y ri Moisés kan xch'on-wi k'a rik'in ri Dios pa kiwi' rije'.

Hechos 8:24

Jak'a ri Simón xubij k'a chike ri Pedro y ri Juan: Kixch'on rik'in ri Dios woma yin, y tik'utuj chire richin man k'a tink'uluwachij ri achi'el ri xibij-qa chuwij, xcha'.

1 Sam 12:19

K'ari' konojel ri winaqi' xkibij chire ri Samuel: Tabana' utzil kach'on rik'in ri Jehová ri qa-Dios pa qawi' roj ri oj rusamajel richin chi man yojken ta, roma pa ruwi' ronojel ri mak ri qabanon kan xqaben chik re jun mak re', xecha'.