Ex 9:27 - Kaqchiquel Bible

²⁷ K'ari' ri rey xuteq koyoxik ri Moisés y ri Aarón y xubij chike: Wakami ninna' chi ximakun, roma ri Jehová kan janila choj ri nuben, jak'a yin y ri nuwinaq xa oj itzel taq winaqi' chuwech.

Ex 9:27 ပူးပေါင်းရင်းမြစ်များ

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

2 Crón 12:6

Ri e tata'al y ri rey janila xkiqasaj-ki' richin xkiya' chikij ri kimak y xkibij chi kan qitzij wi ri nubij ri Jehová.

Wuj Richin Bix Chire ri Dios 129:4

Jak'a ri Jehová kan choj wi ri nuben; rija' kan xutzak'ila' k'a ri kolo' ri' ri kik'uan ri e etzelanel wichin.

Wuj Richin Bix Chire ri Dios 145:17

Rat Jehová kan choj k'a naben rik'in ronojel. Kan janila k'a awutzil pa ruwi' ronojel ri abanon.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

Ex 10:16

Jari' toq ri rey chi'anin xuteq koyoxik ri Moisés y ri Aarón y xubij chike: Wakami ximakun chuwech ri Jehová ri i-Dios y chuqa' chiwech rix.

Ex 10:17

Xa rik'in ta chik re jun bey re' nikuy ta numak, y tik'utuj chire ri Jehová ri i-Dios chi trelesaj pa nuwi' re jun nima-ruk'ayewal re', roma re' xa kan richin kamik, xcha'.

Ex 8:25

K'ari' ri rey xuteq chik koyoxik ri Moisés y ri Aarón y xubij chike: Kixbiyin tibesuju' kamelabel chire ri i-Dios, jak'a man yixel ta el chupan ri ruk'ulba't ri Egipto, xcha'.

Ex 8:8

Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Dn 9:14

Roma ri', rat Jehová xaya' q'ij chi xpe re jun ruk'ayewal re' pa qawi'; ronojel ri samaj ri naben rat kan pa ruchojmilal-wi. Jak'a roj xa man xqanimaj ta ri atzij.

Wuj Richin ri Q'axanri'il 21:7

Roma ri' ri winaqi' xebe k'a rik'in ri Moisés y xkibij k'a chire: Roj kan xojmakun-wi k'a, roma itzel xojch'on chirij ri Jehová y chawij rat. Tabana' utzil kach'on rik'in ri Jehová y tak'utuj utzil chi kerelesaj-el re kumatzi' chiqakojol, xecha'. Y ri Moisés kan xch'on-wi k'a rik'in ri Dios pa kiwi' rije'.

Wuj Richin ri Q'axanri'il 22:34

K'ari' ri Balaam xubij chire ri ángel: Yin ximakun wakami, roma yin man wetaman ta k'a chi rat at pa'el pa bey, richin chi yinaq'et. Wi kan man utz ta k'a nuben chawech re nuchapon-el bey, más utz yitzolej, xcha'.

San Mateo 27:4

Rija' xubij kan chike: Yin kan ximakun richin xinjech pan iq'a' ri jun ri xa maneq rumak, xcha' chike. Jak'a rije' xkibij-pe chire: Re' man nik'atzin ta chiqe roj. Ri' amak rat, xecha' chire.

Romanos 2:5

Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Wuj Richin ri Josúe 7:20

K'ari' ri Acán xubij chire ri Josué: Kan qitzij na wi ja yin ri' ri xmakun chuwech ri Jehová ri qa-Dios richin Israel, y kere' k'a ri xinben:

1 Sam 15:24

K'ari' ri Saúl xubij chire ri Samuel: Yin kan ximakun, roma man xinnimaj ta rutzij ri Jehová y ri ach'abel rat, roma xink'en kikiy ri aj-labal y xinnimaj kitzij. Takuyu' k'a ri numak wakami.

1 Sam 15:30

Y ri Saúl xubij chire ri Samuel: Kan qitzij na wi chi yin ximakun, jak'a nink'utuj utzil chawe chi taya' wejqalen chikiwech ri achi'a' ri k'o kiq'ij y chikiwech konojel ri qawinaq, y katzolin chik k'a wik'in richin chi junan niqaya' ruq'ij ri Jehová ri qa-Dios, xcha'.

1 Sam 26:21

K'ari' ri Saúl xubij: In makuwineq chawech rat David ri at achi'el nuk'ajol. Katzolej k'a pe, roma xa man jun chik k'a xtinben chawe, re chiqawech-apo, roma rat kan janila apoqonan ri nuk'aslen. Yin kan man utz ta nubanon awik'in roma kan nubanon achi'el ta jun achin nakanik y kan man utz ta nubanon, xcha' ri Saúl.