Ex 9:24 - Kaqchiquel Bible

²⁴ Ri ruq'aq'al ri koyopa' y ri saqboch xqaqa k'a pa ruwi' chijun Egipto y ri saqboch kan janila k'a kalal. Ri chiri' kan man jun bey k'a qajineq ta saqboch achi'el re', jampe' ek'o-pe winaqi'.

Ex 9:24 ပူးပေါင်းရင်းမြစ်များ

San Mateo 24:21

Kan jari' toq xtik'o ruwi' ri tijoj-poqonal ri xtipe; jun tijoj-poqonal ri man jun bey k'uluwachitajineq ta pa ruwi' re ruwach'ulew, k'a re wakami chupan re qaq'ijul roj. Y chuqa' man jun bey chik xtik'uluwachitej.

Ex 10:6

Xtikinojisaj k'a rupan ri awachoch rat, ri rupan ri kachoch ri aj-raqen y ri rupan ri kachoch konojel ri winaqi' aj-Egipto. Y re' kan man jun bey k'a tz'eton, koma ri ate-atata' y koma ri awati't-amama', jampe' e oqawineq re wawe', xcha'. Y toq ri Moisés xuk'is kan rubixik re', xupiskolij-el-ri' y xbe.

Ex 9:23

Ri Moisés kan xutzeqej k'a ri ruch'ame'y chikaj y jari' toq ri Jehová xuben chi xpe koqolajay, koyopa' y saqboch y xuben chi chijun Egipto xqaqa ri saqboch y q'aq' pa ruwi'.

Ex 9:18

Tatz'eta' na pe, ke taq wa' chua'q, yin xtinteq-pe nimalej taq saqboch pan awi' ri janila ralal, ri kan man jun bey qajineq pa ruwi' ri Egipto jampe' tz'ukutajineq-pe.

Ex 9:25

Ri chiri' pan Egipto, kan ronojel k'a xk'is pa ruq'a' ri saqboch. Xek'is ri winaqi', ri chikopi', ri xek'oje' kan pa taq juyu' y chuqa' xek'is ri tiko'n, ronojel kiwech che' y chuqa' ri q'ayis.

Ez 13:13

Rik'in janila woyowal xtinben chi xtipe jun nimalej surkum, jun nimalej kaq'iq'-job y nima'q taq saqboch, richin keri' xtik'is ronojel.

Wuj Richin ri Achin Job 38:23

ri e nuyakon richin ri q'ij richin tijoj-poqonal, y e nuyakon richin ri q'ij richin ri labal y toq nikichop-ki' chi kamik ri tinamit?

Wuj Richin Bix Chire ri Dios 18:13

Ri nimalej Jehová xch'on k'a pe chupan ri sutz' ri'. kan janila kow xch'on achi'el niq'ajan ri koqolajay.

Wuj Richin Bix Chire ri Dios 105:32

Pa ruk'exel job, xuya' k'a pe saqboch pa kiwi'. Ruxaq q'aq' xuteq-pe pa ruwi' ri ruwach'ulew ri'.

Wuj Richin ri Isaías 30:30

Chupan ri q'ij ri', ri Jehová kan xtuben richin nak'axatej ri ruch'abel chi kan k'o runimirinen. Kan xtitz'etetej chi xtuyek ri ruq'a' chikaj richin nuya-pe ri ruk'ayewal. Ri nimalej royowal kan achi'el jun q'aq' ri kan yaruk'is. Chuqa' xtuya-pe koqolajay, nimalej kaq'iq', job y saqboch.

Ez 1:4

Kan jari' xintz'et k'a chi pa xaman peteneq jun nimalej kaq'iq' ri ruk'amon-pe jun nimalej sutz' ri kan nirepelun y jun achi'el q'aq' ri nuk'aqala-el koyopa' y pa runik'ajal ri q'aq' ri' nirepelun achi'el ri q'enq'oj-pueq.