Ex 9:22 - Kaqchiquel Bible

²² Y jari' toq ri Jehová xubij chire ri Moisés: Tatzeqej la ach'ame'y chikaj richin keri' kan xtibeqaqa-pe ri saqboch chikaj pa kiwi' ri winaqi' aj-Egipto, pa kiwi' ri kawej y pa ruwi' ronojel ri kitiko'n, xcha'.

Ex 9:22 ပူးပေါင်းရင်းမြစ်များ

Apocalipsis 16:21

Chuqa' chupan ri q'ij ri' xqaqa k'a pe saqboch ri chila' chikaj. Y jujun saqboch jujun la'eq kintal kalal. Y roma k'a re jun kamik saqboch re', ri winaqi' janila nikiyoq' ri Dios, roma kan janila k'ayew.

Ex 8:16

Xeri' ri Jehová xch'on chik jun bey rik'in ri Moisés y kere' xubij chire: Tabij chire ri Aarón: Tayaka' ri ach'ame'y y tanaqa' ruwi' la poqolaj ri k'o pa ruwi' ri ruwach'ulew, y keri' xkeyakatej janila chi xenen chupan chijun ri ruwach'ulew Egipto, xcha' ri Dios.

Ex 8:5

Jari' toq ri Jehová xubij chire ri Moisés chi ri Aarón tutzeqej ri ruch'ame'y pa kiwi' ri raqen taq ya' chi ch'uti'q chi nima'q y pa kiwi' ri ya' ri e rimil pa taq ulew, richin xkebetz'ukutej-pe xkalet y nikinojisaj ri ruwach'ulew Egipto.

Ex 7:19

Y jari' toq ri Jehová xubij chuqa' chire ri Moisés: Kere' tabij chire ri Aarón: Tachapa' ri ach'ame'y y tatzeqej pa kiwi' ri ya' ri ek'o pan Egipto. Y xke'ok k'a kik' ri raqen taq ya', ri taq ch'uti'n raqen taq ya', ri ya' ri e rimil pa taq ulew, ri ek'o pa yakbel taq ya'. Kan ronojel k'a ri ya' ri ek'o pan Egipto xtok kik' y chuqa' ri ya' ri ek'o pa taq yakbel-ya' ri e banon rik'in che' y ri e banon rik'in abej, xcha'.

Ex 9:21

Jak'a ri aj-raqen, ri aj-Egipto, ri man xeniman ta chire ri ruch'abel ri Jehová, xa xekiya' kan ri kawej y ri kisamajela' ri pa taq juyu'.

Ex 10:21

Xeri' ri Jehová xubij chik chire ri Moisés: Tayaka' ri aq'a' chikaj richin chi tiqaqa jun nimalej q'equ'm pa ruwi' chijun ri Egipto; q'equ'm ri xa kan tikirel richin chi nichap, xcha'.

Wuj Richin ri Josúe 10:11

Y toq e animajineq chikiwech ri e rijatzul kan ri Israel ri keri' pa xulan richin Bet-horón, ri Jehová xuben richin xpe nimalej taq saqboch pa kiwi' ri amorreo, y ri saqboch ri' xapon k'a ri chiri' pan Azecá, y kan e k'iy k'a xeken. Kan más e k'iy xeken roma ri saqboch ri', chuwech ri xeken rik'in espada.