Ex 9:14 - Kaqchiquel Bible

¹⁴ Roma wi man keri' ta xtaben, wakami yin xtinteq-pe ronojel ruwech nima'q taq ruk'ayewal pan awi' rat, pa kiwi' ri aj-raqen y pa kiwi' konojel ri awinaq, richin chi tawetamaj chi kan man jun chik Dios k'o chuwech re chuwach'ulew, ri achi'el yin.

Ex 9:14 ပူးပေါင်းရင်းမြစ်များ

Ex 8:10

Ja ri chua'q ninwajo' yin, xcha' ri rey. Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj.

Apocalipsis 22:18

Yin Juan ninbij chike konojel ri ye'ak'axan ri nuq'alajirisaj ri Dios chupan re jun wuj re', chi wi k'o jun ri nuya-el ruwi', ri Dios xtuya' ruk'ayewal pa ruwi'; achi'el ri ruk'ayewal ri e tz'ibatel chupan re jun wuj re'.

Apocalipsis 18:8

Y roma ri', xa kan pa jun q'ij k'a xkepe ronojel ruwech ruk'ayewal pa ruwi'; kamik, oq'ej y wayjal. Y pa ruk'isibel xa xtiya'ox ruq'aq'al roma ri niq'aton-tzij pa ruwi' kan ja ri ajaw Dios ri kan k'o ronojel uchuq'a' pa ruq'a', xcha'.

Wuj Richin ri Miqueas 6:13

Roma ri' ja rutikeribel re' ri nuchapon ruya'ik pan iwi'; y kan xkixinwulaj k'a roma ri imak.

Wuj Richin ri Jeremías 19:8

Kan xtinben chire ri Jerusalem chi konojel ri winaqi' ri xkeq'ax chiri' xtikixibij-ki' chuwech y xtikiyojobej roma wulatejineq chik kan ronojel.

Wuj Richin ri Jeremías 10:6

K'ari' xinbij chire ri Dios: Kan man jun chik achi'el rat Jehová. Rat kan janila utzilej atzijol ri k'o. Kan janila nim ri aq'ij y k'o ronojel uchuq'a' pan aq'a'.

Wuj Richin ri Isaías 46:9

Toqaqa k'a chi'ik'u'x ronojel banobel ri xebanatej ojer kan. Ja yin ri Dios, y man jun chik achi'el yin. Yin ri Dios y kan man jun chik dios k'o.

Wuj Richin Bix Chire ri Dios 86:8

Nimalej ajaw, ¡kan man jun chik k'a k'o achi'el rat chikikojol ri ch'aqa' chik dios! Ri asamaj rat kan man jun chik achoq ik'in ta xtijunamex-wi.

1 Crón 17:20

Jehová, man jun chik k'o achi'el rat, y man jun chik dios ri k'o ta chawech. Y ronojel re' kan qetaman chik roj.

1 Rey 8:38

y wi k'o ta jun ri nutz'et ri nima-ruk'ayewal y nuna' ri q'axo'n pa ránima y xtuyek ta ri ruq'a' y xtitzu'un pa ruchojmilal ri awachoch richin nich'on awik'in o nuk'utuj chawe;

2 Sam 7:22

Roma ri', kan man jun chik más nim chawech rat nimalej Jehová. Y man jun bey k'a qak'axan chi k'o ta chik jun Dios achi'el rat.

1 Sam 4:8

Toq'ex qawech roj, roma man jun xqojkolon pa kiq'a' ri ki-Dios rije'. Roma k'o ronojel uchuq'a' kik'in y ja rije' ri xeya'on jalajoj ruwech nima'q taq banobel pa kiwi' ri aj-Egipto toq k'a ek'o pa tz'iran ruwach'ulew.

Wuj Richin ri Chojmirisabelri'il 26:28

yin chuqa' xtinpaba-wi' chiwech y rik'in k'a woyowal xtinya' chik wuqu' mul rutojbalil pan iwi' roma ri mak ri ye'iben.

Wuj Richin ri Chojmirisabelri'il 26:21

Y wi rix chaq nipaba-iwi' chinuwech y wi chaq man ninimaj ta nutzij, xtinya' chik wuqu' mul rutojbalil pan iwi'.

Wuj Richin ri Chojmirisabelri'il 26:18

Wi chire ronojel re', man ninimaj ta nutzij kan xtinya' k'a wuqu' mul ri rutojbalil pan iwi' roma ri imak.

Ex 9:15

Wi ta yin wajowan, xatinkamisaj yan ta rik'in ri nima'q taq ruk'ayewal y xaken yan ta rat y konojel ri awinaq y kan xixk'is yan ta el chi'iwonojel chuwech re ruwach'ulew.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Deut 3:24

Ajaw Jehová, rat kan achapon k'a pe ruk'utik chinuwech yin ri asamajel, ri nimalej ak'ojlen y ri awuchuq'a', ¿k'o kami jun chik Dios chila' chikaj y chuwech re ruwach'ulew ri nitikir nuben meyel taq banobel ri achi'el ye'aben rat?

Deut 4:35

ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

Wuj Richin ri Isaías 45:5

Ja yin Jehová y kan man jun chik. Kan man jun chik Dios k'o. Yin kan xtinya' awuchuq'a', stape' rat man jani awetaman ta nuwech.

Wuj Richin ri Jeremías 10:7

Kan konojel k'o chi nik'oje' akiy chikiwech roma rat ri at rey pa kiwi' konojel tzobaj winaqi'. Roma ri' xaxe rat ruk'amon chi nik'oje' akiy. Y chikikojol konojel aj-na'oj richin chijun ruwach'ulew, kan man jun chik achi'el rat.

Dn 5:21

Xelesex k'a el chikikojol ri ruwinaq, y ri ruch'obonik xa kan xok k'a el achi'el ri kich'obonik ri chikopi'. Y chikikojol k'a ri taq bur aj pa q'ayis xbek'oje-wi. Xutej k'a q'os achi'el kiwaybal ri wákix, y ri ruch'akul kan xmu'e' k'a rik'in ri raxq'ab. Keri' xk'oje', k'a toq xretamaj na chi kan xaxe pa ruq'a' ri nimalej Dios k'o ronojel ajawaren, chi kan xaxe rija' ri ye'ukusan kan ri q'atbel taq tzij chupan ri ajawaren.

Ex 8:6

Y ri Aarón xutzeqej k'a ri ruch'ame'y pa kiwi' ri ya' richin Egipto y kan chijun k'a kiruwach'ulew xnoj chi xkalet.