Ex 8:3 - Kaqchiquel Bible

³ Y chupan ri raqen-ya' xkebetz'ukutej-pe janila chi xkalet, re' xkebe'el-pe y xke'ok pan awachoch, xke'ok akuchi yawer-wi, xkejote' pa ruwi' ri ach'at, pa kachoch ri asamajela', pa kachoch konojel ri awinaq, xke'ok chupan ri akuchi nachaq'arisaj-wi ri akaxlan-way y xkejote' pa taq aq'e'n.

Ex 8:3 ပူးပေါင်းရင်းမြစ်များ

Wuj Richin Bix Chire ri Dios 105:30

Ri Jehová xuben chuqa' chi xebek'iyer-pe xkalet. Re xkalet re' kan xe'okiyaj k'a pa taq kich'at ri q'atoy taq tzij.

Ex 12:34

Y roma ri keri', konojel winaqi' israelita, ri kimubalon chik ri kik'aj y man jani kiya'on ta ch'amilej-q'or rik'in, xkiyala-el pa taq aq'e'n; xekipisla-el pa taq tzieq y xkiyala-el chuwi' taq kitele'n, richin jari' yebe.

Ex 8:2

Roma wi man xtaya' ta q'ij richin ye'el-el, yin xtinya' ruk'ayewal pan awi' y xkenteq-pe xkalet pa ruwi' chijun ri aruwach'ulew.

Ex 8:4

Ri xkalet ri' xkejoteyaj chawij rat, chikij ri asamajela' y chikij konojel ri awinaq, xkacha' chire ri rey, xcha' ri Jehová.

Ex 10:6

Xtikinojisaj k'a rupan ri awachoch rat, ri rupan ri kachoch ri aj-raqen y ri rupan ri kachoch konojel ri winaqi' aj-Egipto. Y re' kan man jun bey k'a tz'eton, koma ri ate-atata' y koma ri awati't-amama', jampe' e oqawineq re wawe', xcha'. Y toq ri Moisés xuk'is kan rubixik re', xupiskolij-el-ri' y xbe.

2 Crón 22:11

Jak'a ri Joseba ri rumi'al kan ri rey Joram, xrelesaj-el ri Joás, jun chike ri ruk'ajol ri Ocozías, y chuqa' xrelesaj-el ri ixoq ri xk'iytisan richin, richin man xkamisex ta, roma konojel rach'alal xekamisex yan. Xrewaj ri Joás y ri ixoq; xerewaj chiri' pa jun jay richin xerukol chuwech ri Atalía. Y re Joseba re', rana' ri Ocozías, y rixjayil ri nimalej sacerdote Joiadá.

Ex 7:11

Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón.

Ex 8:11

Ri xkalet kan xkatkiya' k'a kan, xke'el-el chupan ri awachoch, pa kachoch ri aj-raqen, pa kachoch konojel ri awinaq y xkek'oje' kan xaxe chupan ri raqen-ya' Nilo, xcha'.