Ex 8:28 - Kaqchiquel Bible

²⁸ Y ri rey xubij: Yin kan xtinya' k'a q'ij chiwe richin xkixbe richin xtibesuju' kamelabel chire ri Jehová ri i-Dios pa tz'iran ruwach'ulew, jak'a man yixbe ta más nej y tibana' utzil xkixch'on rik'in ri i-Dios pa nuwi' yin, xcha'.

Ex 8:28 ပူးပေါင်းရင်းမြစ်များ

1 Rey 13:6

K'ari' ri rey Jeroboam xubij chire ri q'alajirisey ruch'abel ri Dios: Nink'utuj utzil chawe chi kach'on rik'in ri Jehová woma yin, y tak'utuj utzil chire chi re nuq'a' xtisilon ta chik, xcha'. Y ri achin ri' kan xch'on rik'in ri Jehová pa ruwi' ri rey, y ri ruq'a' kan xsilon chik achi'el ri rubanon kan.

Wuj Richin ri Esdras 6:10

Rik'in ronojel re' xtikisuj kamelabel ri niqa' chuwech ri ki-Dios, ri rajaw ri kaj, richin rije' yech'on rik'in ri ki-Dios pa ruwi' ri nuk'aslen yin y pa ruwi' ri kik'aslen ri walk'ual.

Ex 10:17

Xa rik'in ta chik re jun bey re' nikuy ta numak, y tik'utuj chire ri Jehová ri i-Dios chi trelesaj pa nuwi' re jun nima-ruk'ayewal re', roma re' xa kan richin kamik, xcha'.

Ex 3:19

Jak'a yin kan wetaman chi ri rey richin ri Egipto man xkixruya' ta el chi utzil, xa kan k'a k'o na jun ri chi uchuq'a' xtuben chire chi xkixrisq'opej-el.

Ex 7:13

Y toq ri rey xutz'et re', xukowirisaj más ri ránima. Y man xerak'axaj ta, achi'el ri rubin chik ri Jehová chire ri Moisés y chire ri Aarón.

Ex 8:15

Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.

Ex 8:29

Jak'a ri Moisés xubij: Kan xaxe k'a toq xkinel-el wawe' xtink'utuj chire ri Jehová chi chua'q xkerelesaj re botzaj amolo' re', pan awi' rat, pa kiwi' ri aj-raqen, pa kiwi' konojel ri awinaq. Xaxe man ta chik xqojaq'ol y man ta chik xqojaq'et richin nibeqaya' ruq'ij ri Jehová, richin nibeqasuju' kamelabel chire, xcha'.

Ex 8:8

Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.

Ex 9:28

Kixch'on k'a rik'in ri Jehová pa qawi' roj, roma xa man niqajo' ta chik koqolajay ni saqboch. Yin xa man ninwajo' ta chik yixk'oje-qa wawe', xcha' ri rey chike.

Wuj Richin ri Molojri'il 6:10

Ri niqatz'et chi k'o wakami xa kan k'o pe. Y chirij ri rubanik ri wineq xa kan etaman-wi, chi rija' kan man nitikir ta chirij ri jun ri kan k'o uchuq'a' pa ruq'a'.

Wuj Richin ri Jeremías 42:2

wik'in yin Jeremías y xkibij chuwe: Niqak'utuj utzil chawe, kach'on rik'in ri Jehová ri qa-Dios pa qavi' roj, ri xojkolotej kan, roma re wakami xa oj ka'i-oxi' chik ok, y ri rubanon-pe janila oj k'iy.

Os 10:2

Rije' xa kan ruch'aron-ri' ri kánima, wakami kan xtibekitojo' k'a ri kimak. Ri Jehová kan xtuben k'a chi xkewulex-el ronojel porobel ri e kibanon. Kan xkewulex k'a chuqa' ronojel ri wachibel ri e kibanalon richin nikiya' ruq'ij.

Hechos 8:24

Jak'a ri Simón xubij k'a chike ri Pedro y ri Juan: Kixch'on rik'in ri Dios woma yin, y tik'utuj chire richin man k'a tink'uluwachij ri achi'el ri xibij-qa chuwij, xcha'.