Ex 8:22 - Kaqchiquel Bible

²² Toq xtibanatej k'a keri', ri pa ruwach'ulew Gosen ri akuchi ek'o-wi ri israelita, kan man jun k'a botzaj amolo' xtapon chiri'. Y keri' xtawetamaj k'a chi yin Jehová ink'o chikikojol rije'.

Ex 8:22 ပူးပေါင်းရင်းမြစ်များ

Wuj Richin ri Rutikeribel 46:34

Roj ri asamajela' kan oj yuq'unela' kichin karne'l pa qach'utinal-pe, achi'el ri samaj ri xkiben ri qati't-qamama', keri' xtibij chire, richin keri' xtuya' q'ij chiwe chi yixk'oje' kan wawe' pa Gosen, roma ri winaqi' aj-Egipto kan nimulun-kik'u'x yek'ase' kik'in yuq'unela' kichin karne'l, xcha' ri José.

Wuj Richin Bix Chire ri Dios 110:2

Ri Jehová xtunimirisaj ri awajawaren ri chiri' pa Sión. Kan kak'oje' k'a pa kiwi' ri e etzelanel awichin.

Wuj Richin Bix Chire ri Dios 74:12

Qa-Dios roj, kan ja rat ri at qa-rey ojer-pe ri'. Ja rat ri xaya'on-pe ri ch'akonik pa ruwi' ri qaruwach'ulew.

Ex 10:23

Man jun k'a xtz'eton ruwech ri rachpochel, y chi oxi' q'ij man jun xsilon-el ri akuchi ek'o-wi toq xq'equmer. Jak'a ri tinamit ri akuchi ek'o-wi ri winaqi' israelita kan k'o saqil kik'in.

Ex 12:13

Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

Ex 19:5

Wakami k'a, wi kan xtinimaj k'a ri nuch'abel y nitaqej ri jikibel-tzij ri nubanon iwik'in, rix kan xkixok k'a jun tinamit ri janila iwejqalen chikiwech ri ch'aqa' chik tinamit. Man rik'in ri' chijun re ruwach'ulew kan wichin yin.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Ex 7:17

Roma ri', rix xtiwetamaj k'a ruwech achike ri Jehová, roma rik'in re ch'ame'y re k'o pa nuq'a' xtinneq-qa re ya' richin re raqen-ya' Nilo y xtok k'a kik'.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Ex 8:10

Ja ri chua'q ninwajo' yin, xcha' ri rey. Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj.

Ex 8:21

Roma wi man naya' ta q'ij chike richin yebe, yin kan xtinteq-pe pa botzaj amolo' pan awi' rat, pa kiwi' ri aj-raqen, pa kiwi' ri awinaq, y pa taq iwachoch. Y kan chijun k'a ri aruwach'ulew ri akuchi ek'o-wi ri awinaq, kan xtinoj chi amolo', achi'el jun sutz' xtuben pa ruwi' ri ulew.

Ex 8:23

Yin kan xtinya' k'a rukojol rik'in ri nutinamit yin y ri atinamit rat; y re nimalej nubanobal richin retal, ja yan ri chua'q xtibanatej, xkacha' chire ri rey, xcha' ri Dios.

Ex 9:26

Y xaxe k'a chupan ri ruwach'ulew Gosen ri akuchi ek'o-wi ri winaqi' israelita, man jun saqboch xqaqa.

Ex 9:29

Y ri Moisés xubij: Kan xaxe k'a xkinel-el chuchi' re nima-tinamit re', xtinyek ri nuq'a' chikaj, y xtink'utuj k'a chire ri Jehová, y kan xtitane' k'a ri koqolajay y ri saqboch, richin keri' nawetamaj chi ja ri Jehová rajaw re ruwach'ulew.

Ex 9:4

Jak'a ri Jehová kan xtuben rukojolil rik'in ri kawej ri israelita, rik'in ri kawej ri aj-Egipto. Y roma ri' man jun chire ri kawej ri israelita ri xtiken ta, kacha' chire, xcha' ri Jehová.

Ex 9:6

Y ri pa ruka'n q'ij, ri Jehová kan xuben-wi ri xubij: Xeken k'a ronojel ri kawej ri aj-Egipto, jak'a chike ri kawej ri winaqi' israelita man jun ri xken ta.

Ez 30:19

Richin keri' yin kan xtinya' rutojbalil-mak pa kiwi' ri winaqi' aj-Egipto y jari' xtiketamaj chi ja yin Jehová ri ink'o pa ruwi' ronojel.

Wuj Richin ri Malaquías 3:18

Jari' k'a toq rix xtitz'et chi man junan ta ri xtinben chike ri e choj y ri itzel kik'aslen, y keri' chuqa' xtitz'et rukojolil ri xkesamajin wichin y ri man xkesamajin ta wichin.