Ex 8:21 - Kaqchiquel Bible

²¹ Roma wi man naya' ta q'ij chike richin yebe, yin kan xtinteq-pe pa botzaj amolo' pan awi' rat, pa kiwi' ri aj-raqen, pa kiwi' ri awinaq, y pa taq iwachoch. Y kan chijun k'a ri aruwach'ulew ri akuchi ek'o-wi ri awinaq, kan xtinoj chi amolo', achi'el jun sutz' xtuben pa ruwi' ri ulew.

Ex 8:21 ပူးပေါင်းရင်းမြစ်များ

Wuj Richin Bix Chire ri Dios 105:31

Xaxe rik'in ri ruch'abel ri Dios, xepe k'a ri pa taq tzobaj amolo'. Kan xepe k'a chuqa' xenen chupan chijun ruwach'ulew Egipto.

Wuj Richin Bix Chire ri Dios 78:45

Xuteq k'a pe pa taq tzobaj amolo' chikikojol rije' richin chi xekik'is, chuqa' xuben chi xek'iyer-pe xkalet richin chi xuyoj ri kiruwach'ulew.

Ex 10:6

Xtikinojisaj k'a rupan ri awachoch rat, ri rupan ri kachoch ri aj-raqen y ri rupan ri kachoch konojel ri winaqi' aj-Egipto. Y re' kan man jun bey k'a tz'eton, koma ri ate-atata' y koma ri awati't-amama', jampe' e oqawineq re wawe', xcha'. Y toq ri Moisés xuk'is kan rubixik re', xupiskolij-el-ri' y xbe.

Ex 8:20

Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij.

Ex 8:22

Toq xtibanatej k'a keri', ri pa ruwach'ulew Gosen ri akuchi ek'o-wi ri israelita, kan man jun k'a botzaj amolo' xtapon chiri'. Y keri' xtawetamaj k'a chi yin Jehová ink'o chikikojol rije'.

Ex 8:24

Ri Jehová kan keri' xuben y xepe ri amolo'. Kan yejopop k'a, xe'ok pa rachoch ri rey, ri pa taq kachoch ri rusamajela' y chijun ruwach'ulew richin Egipto. Xkinojisaj k'a chijun ri ruwach'ulew y xabakuchi k'a ye'okiyaj y yeqajlan-wi.

Wuj Richin ri Isaías 7:18

Kan xtibanatej k'a chupan ri q'ij ri' chi ri Jehová xtixuban richin xkeroyoj ri winaqi' aj-Egipto richin xkepe chiwij achi'el jun nima-tzobaj amolo', y chuqa' xkeroyoj ri winaqi' aj-Asiria richin xkepe achi'el jun nima-tzobaj xuruy.