Ex 8:20 - Kaqchiquel Bible

²⁰ Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij.

Ex 8:20 ပူးပေါင်းရင်းမြစ်များ

Ex 7:15

Ri chua'q nimaq'a' yan yabe k'a chuchi' ri raqen-ya' Nilo, roma ri rey napon chuqa' chiri' y kan tabana' k'a chi nabek'ulu-awi' rik'in. Y kan tak'uaj k'a el ri ch'ame'y ri xok kumetz.

Ex 9:13

Ri Jehová xch'on chik k'a jun bey rik'in ri Moisés y xubij: Chua'q kayakatej nimaq'a' yan y kach'on k'a rik'in ri rey y tabij chire chi yin Jehová ri i-Dios rix israelita ninbij: Taya' q'ij chire ri nutinamit richin nel-el richin yirusamajij.

Ex 8:1

Jari' toq ri Jehová xch'on chik jun bey rik'in ri Moisés y xubij chire: Katapon chik jun bey chuwech ri rey y tabij chire chi yin kere' ninbij: Taya' q'ij chire ri nutinamit richin nibe y yirusamajij.

Ex 3:18

Wakami ri e tata'al richin ri Israel kan xtikinimaj k'a el ri atzij y xkixbe k'a rik'in ri rey richin Egipto y rat xtabebij chire: Ri Jehová ri qa-Dios roj ri oj israelita xuk'ut-ri' chiqawech y xch'on qik'in y roma ri' taya' k'a q'ij chiqe richin yojbe pa tz'iran ruwach'ulew richin nibeqasuju' kamelabel chire ri Jehová ri qa-Dios roj. Oxi' k'a q'ij xqojbiyin-el richin yojapon-el k'a chiri', xkacha' chire.

Ex 2:5

Y ri rumi'al ri rey xbe-qa chuchi' ri raqen-ya' ri' richin nibe'atin, e rachibilan-el jun tzobaj xtani' ri e rusamajela'. Y rokik ri xtani' ri' yebiyajilan chuchi' ri ya', jari' toq rija' xutz'et ri jun ti chakech chukojol ri pop ri'. Y jari' xuteq jun chike ri e rusamajela' ri e beneq chirij richin xberuk'ama-pe ri ti chakech.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Ex 5:1

Y k'ari' ri Moisés y ri Aarón xe'apon chuwech ri rey y xkibij chire: Ri Jehová ri Dios richin ri Israel, kere' ri rubin-pe: Taya' q'ij chire ri nutinamit richin niberubana' jun nimaq'ij chuwe yin ri pa tz'iran ruwach'ulew, chayineq-pe, xecha' rije'.

Ex 5:3

Y rije' xkibij: Ri Dios ri richin ri tinamit Israel xuk'ut-ri' chiqawech; roma ri' nik'atzin chi roj yojbiyin oxi' q'ij k'a pa tz'iran ruwach'ulew y chiri' nibeqasuju' kamelabel chuwech ri Jehová ri qa-Dios. Roma wi man xtiqaben ta re', rik'in juba' xqojrukamisaj rik'in jun nimalej yabil, o yojken chi espada, xecha' chire.

Ex 8:21

Roma wi man naya' ta q'ij chike richin yebe, yin kan xtinteq-pe pa botzaj amolo' pan awi' rat, pa kiwi' ri aj-raqen, pa kiwi' ri awinaq, y pa taq iwachoch. Y kan chijun k'a ri aruwach'ulew ri akuchi ek'o-wi ri awinaq, kan xtinoj chi amolo', achi'el jun sutz' xtuben pa ruwi' ri ulew.

Wuj Richin Bix Chire ri Dios 78:45

Xuteq k'a pe pa taq tzobaj amolo' chikikojol rije' richin chi xekik'is, chuqa' xuben chi xek'iyer-pe xkalet richin chi xuyoj ri kiruwach'ulew.

Wuj Richin Bix Chire ri Dios 105:31

Xaxe rik'in ri ruch'abel ri Dios, xepe k'a ri pa taq tzobaj amolo'. Kan xepe k'a chuqa' xenen chupan chijun ruwach'ulew Egipto.