Ex 8:19 - Kaqchiquel Bible

¹⁹ Roma ri' ri aj-itza' xkibij chire ri rey: Re' kan rusamaj-wi ri Dios, xecha'. Jak'a ri rey xa más xukowirisaj ri ránima, y man xerak'axaj ta chik ri Moisés y ri Aarón, kan achi'el ri rubin ri Jehová.

Ex 8:19 ပူးပေါင်းရင်းမြစ်များ

Wuj Richin ri Rutikeribel 41:24

Y ri ruwi' ri trigo ri e chaqi'j-chaqi'j xekitej k'a ri ruwi' ri trigo ri e nojineq kipan y jebel yetzu'un. Y yin xintzijoj yan chike konojel ri etamanela', y man jun chike rije' xtikir xbin chuwe achike nuk'exewachuj re achik' re xinben, xcha' ri rey chire ri José.

Wuj Richin Bix Chire ri Dios 8:3

Toq nintz'et ri kaj, ri kan ja ri aq'a' rat banayon; ri ik' y ri ch'umila' ri kan ja rat ri xabanon kichin,

Ex 10:23

Man jun k'a xtz'eton ruwech ri rachpochel, y chi oxi' q'ij man jun xsilon-el ri akuchi ek'o-wi toq xq'equmer. Jak'a ri tinamit ri akuchi ek'o-wi ri winaqi' israelita kan k'o saqil kik'in.

Ex 10:7

Xeri' ri aj-raqen ri ek'o rik'in ri rey xkibij chire: ¿K'a jampe' k'a xtitane' chuya'ik ruk'ayewal pa qawi' re achin re'? Xa kan más utz taya' q'ij chike richin yebe y nibekisamajij ri ki-Dios. ¿Kan man natzu' ta k'a chi re qaruwach'ulew xa kan nik'is yan roma ronojel ruk'ayewal ri qajineq pa ruwi'?, xecha'.

Ex 11:7

Re xtik'uluwachitej pan Egipto kan richin tiketamaj ri winaqi' chi ri Jehová kan k'o rukojol nuben kik'in ri winaqi' israelita y ri aj-Egipto. Roma chupan ri aq'a' ri', chikikojol ri winaqi' israelita, ni jun tz'i' man xtiba'on ta, ni ri ch'aqa' chik chikopi' man jun xtikoq'ej.

Ex 7:13

Y toq ri rey xutz'et re', xukowirisaj más ri ránima. Y man xerak'axaj ta, achi'el ri rubin chik ri Jehová chire ri Moisés y chire ri Aarón.

Ex 7:4

Ri rey kan man xkixrak'axaj ta k'a. Jak'a yin kan xtink'ut k'a ri nimalej wuchuq'a' pa ruwi' ri Egipto rik'in nima'q taq ruk'ayewal. Y pa taq tzobaj k'a xkixinnuk' richin xkixinwelesaj-el rix ri ix nutinamit.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Ex 9:26

Y xaxe k'a chupan ri ruwach'ulew Gosen ri akuchi ek'o-wi ri winaqi' israelita, man jun saqboch xqaqa.

Ex 9:4

Jak'a ri Jehová kan xtuben rukojolil rik'in ri kawej ri israelita, rik'in ri kawej ri aj-Egipto. Y roma ri' man jun chire ri kawej ri israelita ri xtiken ta, kacha' chire, xcha' ri Jehová.

Dn 2:19

Y chupan k'a ri aq'a' ri' ri Dios xuben chi xk'utumej chuwech ri Daniel, ri achik' y ri nel chi tzij. Y roma ri' ri Daniel kan xunimirisaj ruq'ij ri Dios ri niq'aton-tzij ri chila' chikaj. Y kere' k'a xubij: Nimalej aq'ij rat Dios tibe-q'ij tibe-seq. Kan awik'in k'a rat k'o-wi ri na'oj y ri uchuq'a'.

San Mateo 12:28

Yin kan yenwelesaj k'a ri itzel taq espíritu roma kan ja ri ru-Espíritu ri Dios ri k'o wik'in. Y roma ri' ninbij chiwe chi kan xoqaqa yan ri q'ij chi ri rajawaren ri Dios xpe yan pan iwi'.

San Lucas 11:20

Yin kan ja wi ri Dios ri yoyon-pe uchuq'a' chuwe richin yitikir yenwelesaj ri itzel taq espíritu. Y re' niq'alajin chi kan xoqaqa yan k'a ri q'ij chi ri Dios xuchop yan nuq'et-tzij.

San Juan 11:47

Y kan ja yan k'a ri' ri aj-raqen kichin ri sacerdote y ri fariseo xkimol-ki' y xekoyoj chuqa' ri ch'aqa' chik achi'a' ri pa komon yeq'aton-tzij kik'in, y xkibij chike: ¿Achike k'a niqaben? Roma ri Jesús ruchapon samaj y k'iy meyel taq banobel yerubanala' chikiwech ri winaqi'.

Hechos 4:16

Nikibila' k'a chikiwech: ¿Achike k'a niqaben chike? Roma man jun wineq wawe' pa Jerusalem ri man ta etamayon chi xbanatej jun meyel banobel. Y roj man yojtikir ta niqewaj chuqa'.

1 Sam 6:3

Y rije' xkibij: Wi niteq-el ri káxa richin ri rujikibel-tzij ri Dios kichin ri aj-Israel, k'o chi niya' jun sipanik chire richin nitoj ri kuyubel-mak chire ri Dios. K'ari' xkixbek'achoj y xtibeq'ax chiwech achike roma ya'on re jun q'axo'n re' pan iwi', xecha'.

1 Sam 6:9

Titz'eta-el jebel wi choj xkebe pa jotol k'a pa Bet-semes, kan ja k'a ri Dios ri' ri yoyon re jun nimalej q'axo'n re' chiqe y wi man keri' ta, xtiqetamaj chi re jun q'axo'n re' xa choj keri' k'o pa qawi' y man ja ta ri Dios ri banayon, xecha'.