Ex 8:18 - Kaqchiquel Bible

¹⁸ Jak'a ri aj-itza' richin Egipto xkajo' chuqa' xkiben keri' rik'in ri itzel uchuq'a' ri k'o kik'in y xa man xetikir ta y keri' xek'oje' k'a xenen chikij ri winaqi' y chikij ri chikopi'.

Ex 8:18 ပူးပေါင်းရင်းမြစ်များ

Ex 7:11

Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón.

Ex 9:11

Y chupan ri q'ij ri' ri aj-itza' kan man xetikir ta chik xe'apon toq xapon ri Moisés, roma rije' xa k'o chik k'a ch'a'k chikij. Ri ch'a'k ri' kan xqaqa k'a chikij ri aj-itza' y chikij konojel ri winaqi' aj-Egipto.

Dn 5:8

Konojel rije' xkitz'et ri tz'ibanik ri', jak'a xa man xq'ax ta chikiwech, ni man xetikir ta xkiq'alajirisaj ri nel chi tzij.

San Lucas 10:18

Ri Jesús xubij chike: Ja', kan qitzij ri nibij. Roma yin kan xintz'et chi ri Itzel-Wineq, xtzaq-pe chila' chikaj, kan achi'el koyopa' ri xuben.

Wuj Richin ri Isaías 19:12

Chuqa' e maneq chik achi'a' aj-na'oj e richin ri rey, richin nikibij chire ri achike ruch'obon ri Dios pa ruwi' ri kiruwach'ulew.

Wuj Richin ri Rutikeribel 41:8

Y nimaq'a' ruka'n q'ij, rija' janila k'ayew runa'on ri pa ránima, roma ri achik' ri xeruben. Y xuteq k'a koyoxik ri achi'a' etamanela' y ri achi'a' ri e aj-na'oj ri ek'o chupan ri ruwach'ulew Egipto. Y toq ek'o chik k'a ri achi'a' ri', k'ari' k'a xutzijoj ri rachik' chike, y man jun k'a xtikir ta xbin chire achike yek'ulun-wi ri rachik'.

Ex 7:12

Kan chikijujunal k'a rije' xkik'eq-qa ri kich'ame'y y xe'ok kumetz, jak'a ri richin ri Aarón xerubeq' ri kichin rije'.

Ex 8:7

Jak'a ri aj-itza' kan keri' chuqa' xkiben. Rik'in ri itzel uchuq'a' ri k'o kik'in xkiben chi kan xebek'ulun-pe chuqa' xkalet chijun ruwach'ulew Egipto.

Ex 10:23

Man jun k'a xtz'eton ruwech ri rachpochel, y chi oxi' q'ij man jun xsilon-el ri akuchi ek'o-wi toq xq'equmer. Jak'a ri tinamit ri akuchi ek'o-wi ri winaqi' israelita kan k'o saqil kik'in.