Ex 8:16 - Kaqchiquel Bible

¹⁶ Xeri' ri Jehová xch'on chik jun bey rik'in ri Moisés y kere' xubij chire: Tabij chire ri Aarón: Tayaka' ri ach'ame'y y tanaqa' ruwi' la poqolaj ri k'o pa ruwi' ri ruwach'ulew, y keri' xkeyakatej janila chi xenen chupan chijun ri ruwach'ulew Egipto, xcha' ri Dios.

Ex 8:16 ပူးပေါင်းရင်းမြစ်များ

Ex 8:5

Jari' toq ri Jehová xubij chire ri Moisés chi ri Aarón tutzeqej ri ruch'ame'y pa kiwi' ri raqen taq ya' chi ch'uti'q chi nima'q y pa kiwi' ri ya' ri e rimil pa taq ulew, richin xkebetz'ukutej-pe xkalet y nikinojisaj ri ruwach'ulew Egipto.

Ex 8:17

Y rije' kan keri' xkiben. Ri Aarón xuneq rik'in ri ruch'ame'y ri ruwi' ri poqolaj y kan jari' ronojel ri poqolaj ri k'o pan Egipto xok xenen y kan xek'oje' k'a xenen chikij ri winaqi' y ri chikopi'.

Ex 8:15

Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.

Ex 8:18

Jak'a ri aj-itza' richin Egipto xkajo' chuqa' xkiben keri' rik'in ri itzel uchuq'a' ri k'o kik'in y xa man xetikir ta y keri' xek'oje' k'a xenen chikij ri winaqi' y chikij ri chikopi'.

Wuj Richin Bix Chire ri Dios 105:31

Xaxe rik'in ri ruch'abel ri Dios, xepe k'a ri pa taq tzobaj amolo'. Kan xepe k'a chuqa' xenen chupan chijun ruwach'ulew Egipto.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Ex 5:1

Y k'ari' ri Moisés y ri Aarón xe'apon chuwech ri rey y xkibij chire: Ri Jehová ri Dios richin ri Israel, kere' ri rubin-pe: Taya' q'ij chire ri nutinamit richin niberubana' jun nimaq'ij chuwe yin ri pa tz'iran ruwach'ulew, chayineq-pe, xecha' rije'.