Ex 8:14 - Kaqchiquel Bible

¹⁴ y ri winaqi' xekimol k'a pa taq tzubaj y chijun ri ruwach'ulew xchuwir koma ri kaminaqi' taq xkalet.

Ex 8:14 ပူးပေါင်းရင်းမြစ်များ

Joel 2:20

Y xkenwelesaj k'a el ri aj-labal ri yepe pa xaman y xkenteq-el pa tz'iran ruwach'ulew ri akuchi tolan-tolan-wi. Xtinben chi xkejiq' ri e ik'owineq chikiwech chupan ri Tzayi-Choy, y ri e ruk'isibel kan xkejiq' chupan ri palou. Y kan xkeq'ey y kan xtutaluj-ri' ri kichuwirinen, xticha' ri Jehová. Kan qitzij na wi chi ri Jehová chupan ri q'ij ri' xtuben ri nima'q taq banobel ri'.

Ez 39:11

Chupan ri q'ij ri', yin xtinya' chire ri Gog jun xoral richin muqbel pa jun taq'aj kojol juyu' chiri' pan Israel, pa relebel-q'ij chire ri Tzayi-Choy. Re xoral re' kan xtuq'et k'a kibey ri winaqi' ri yeq'ax chiri', roma chiri' k'a xkemuq-wi kan ri rey Gog y ri e k'iy aj-labal. Y roma ri' ri taq'aj kojol juyu' ri' xtubini'aj: Taq'aj Kojol Juyu' Richin ri Gog y ri e Aj-labal.

Wuj Richin ri Isaías 34:2

Roma ri Jehová kan janila yakatajineq royowal pan iwi'. Ri royowal kan k'o pa kiwi' konojel aj-labal iwichin rix. Rija' kan xkeruk'is konojel, y kan xkerujech pa kamik.

Ex 8:24

Ri Jehová kan keri' xuben y xepe ri amolo'. Kan yejopop k'a, xe'ok pa rachoch ri rey, ri pa taq kachoch ri rusamajela' y chijun ruwach'ulew richin Egipto. Xkinojisaj k'a chijun ri ruwach'ulew y xabakuchi k'a ye'okiyaj y yeqajlan-wi.

Ex 7:21

Y ri ker ri ek'o chupan ri raqen-ya' ri' xeken, y ri ya' xchuwir-pe chi'anin. Y roma ri' ri aj-Egipto man yetikir ta chik nikiqum. Kan ronojel k'a ri ya' richin chijun ruwach'ulew Egipto xok kik'.

Ex 8:13

Ri Jehová xuben k'a achi'el ri xuk'utuj ri Moisés, kan xeken k'a konojel ri xkalet ri ek'o pa taq jay, ri ek'o chuwa taq jay y ri ek'o pa taq juyu',

Ex 8:15

Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.

Ex 9:11

Y chupan ri q'ij ri' ri aj-itza' kan man xetikir ta chik xe'apon toq xapon ri Moisés, roma rije' xa k'o chik k'a ch'a'k chikij. Ri ch'a'k ri' kan xqaqa k'a chikij ri aj-itza' y chikij konojel ri winaqi' aj-Egipto.

1 Rey 18:26

Ri achi'a' ri' xkikamisaj k'a ri kiwákix y xkichojmirisaj pa ruwi' ri porobel, y k'ari' xkichop nikik'utuj to'onik chike ri Baal. Xkichop k'a ri ch'owen ri' nimaq'a' yan, y nikibila' k'a: ¡Baal kach'on-pe chiqe! Yecha'. Jak'a man jun nich'on-pe chike. Y rije' kan yeropilan k'a chirij ri porobel ri kibanon-q'anej. Y keri' nikiben xapon ri nik'aj-q'ij.

1 Rey 18:29

Xq'ax k'a ri nik'aj-q'ij y rije' chaq k'a janila yesik'in richin yech'on pa kibi' ri ki-dios, y keri' nikiben, k'a xapon na ri tiqaq'ij toq nisuj ri kamelabel chiri' pa rachoch ri Jehová, y man xk'ulubex ta pe ri kich'abel, kan man jun xch'on-pe kik'in, y ni man xe'ak'axex ta.

Wuj Richin ri Isaías 19:11

Chupan ri q'ij ri' ri e tata'al richin ri tinamit Soan kan xke'ok e nakaneq, roma man xketikir ta chik xtikiya' pixabanik. Konojel ri e rupixabanela' ri rey richin Egipto xa kan man xtik'oje' ta chik kina'oj. Y man xketikir ta chik xtikibij chire ri rey chi rije' e alk'ualaxela' kichin achi'a' aj-na'oj, o e tzeqelibey kichin e ojer taq rey.