Ex 7:25 - Kaqchiquel Bible

²⁵ Y keri' xtz'aqet k'a wuqu' q'ij chi ri Jehová xuben kik' chire ri ya'.

Ex 7:25 ပူးပေါင်းရင်းမြစ်များ

2 Sam 24:13

Y ri Gad xapon rik'in ri David richin xberubij chire ri xubij ri Jehová. Y xubij k'a chire chi tucha' jun chike ri oxi' ruk'ayewal ri xtuya' ri Jehová: Oxi' juna' richin wayjal, oxi' ik' ri k'o chi nanimej chikiwech ri e etzelanel richin, o oxi' q'ij richin yabil ri kan ruk'amon-pe kamik pa kiwi' ri winaqi' israelita. Xubij k'a chire chi tuch'obo' jebel ri nrajo', roma rija' k'o chi niberubij chire ri taqayon-el.

Ex 10:23

Man jun k'a xtz'eton ruwech ri rachpochel, y chi oxi' q'ij man jun xsilon-el ri akuchi ek'o-wi toq xq'equmer. Jak'a ri tinamit ri akuchi ek'o-wi ri winaqi' israelita kan k'o saqil kik'in.

Ex 7:24

Konojel k'a ri winaqi' richin Egipto xkik'otola' k'a ruchi' ri raqen-ya' Nilo richin nikikanoj ya' ch'ajch'oj, richin chi nikiqum, roma ri ya' richin ri raqen-ya' man yetikir ta chik nikiqum.

Ex 8:1

Jari' toq ri Jehová xch'on chik jun bey rik'in ri Moisés y xubij chire: Katapon chik jun bey chuwech ri rey y tabij chire chi yin kere' ninbij: Taya' q'ij chire ri nutinamit richin nibe y yirusamajij.