Ex 7:22 - Kaqchiquel Bible

²² Y ri aj-itza' kan xkiben chuqa' keri' rik'in ri itzel uchuq'a' ri k'o kik'in y roma ri' ri rey xukowirisaj más ri ránima. Y man xniman ta chike ri Moisés y ri Aarón, achi'el rubin ri Jehová.

Ex 7:22 ပူးပေါင်းရင်းမြစ်များ

Ex 7:11

Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón.

2 Timoteo 3:8

Rije' xa kitzeqelben ri itzel kibanobal ri ka'i' aj-itza' ri xek'oje' ojer ri xkibini'aj Janes y Jambrés, ri xkipaba-ki' chuwech ri Moisés, kan keri' chuqa' nikiben ri achi'a' ri' wakami ri nikipaba-ki' chuwech ri qitzij. Xa yojtajineq chik ri kich'obonik roma ri etzelal, nikibij chi kiniman chik ri Dios, y xa man qitzij ta.

Wuj Richin ri Jeremías 27:18

Wi rije' kan e q'alajirisey ruch'abel ri Jehová y wi kan qitzij chi ja ri Jehová biyon chike, k'o chi nikik'utuj utzil chire ri Jehová ri k'o ronojel uchuq'a' pa ruq'a', richin chi man nuya' ta q'ij richin ye'uk'uex-el pa Babilonia ri ch'aqa' chik samajibel ri k'a ek'o na kan pa rachoch y ri ek'o na kan pa rachoch ri rey.

Wuj Richin ri Rutikeribel 41:8

Y nimaq'a' ruka'n q'ij, rija' janila k'ayew runa'on ri pa ránima, roma ri achik' ri xeruben. Y xuteq k'a koyoxik ri achi'a' etamanela' y ri achi'a' ri e aj-na'oj ri ek'o chupan ri ruwach'ulew Egipto. Y toq ek'o chik k'a ri achi'a' ri', k'ari' k'a xutzijoj ri rachik' chike, y man jun k'a xtikir ta xbin chire achike yek'ulun-wi ri rachik'.

Ex 7:13

Y toq ri rey xutz'et re', xukowirisaj más ri ránima. Y man xerak'axaj ta, achi'el ri rubin chik ri Jehová chire ri Moisés y chire ri Aarón.

Ex 7:21

Y ri ker ri ek'o chupan ri raqen-ya' ri' xeken, y ri ya' xchuwir-pe chi'anin. Y roma ri' ri aj-Egipto man yetikir ta chik nikiqum. Kan ronojel k'a ri ya' richin chijun ruwach'ulew Egipto xok kik'.

Ex 7:23

Man rik'in ri' ri rey xa xtzolej-el y xbe k'a pa rachoch ri akuchi niq'aton-wi-tzij y man xniman ta chire ri nibanatej.