Ex 7:19 - Kaqchiquel Bible

¹⁹ Y jari' toq ri Jehová xubij chuqa' chire ri Moisés: Kere' tabij chire ri Aarón: Tachapa' ri ach'ame'y y tatzeqej pa kiwi' ri ya' ri ek'o pan Egipto. Y xke'ok k'a kik' ri raqen taq ya', ri taq ch'uti'n raqen taq ya', ri ya' ri e rimil pa taq ulew, ri ek'o pa yakbel taq ya'. Kan ronojel k'a ri ya' ri ek'o pan Egipto xtok kik' y chuqa' ri ya' ri ek'o pa taq yakbel-ya' ri e banon rik'in che' y ri e banon rik'in abej, xcha'.

Ex 7:19 ပူးပေါင်းရင်းမြစ်များ

Wuj Richin ri Rutikeribel 1:10

Y chire ri chaqi'j xubij ruwach'ulew, y chike ri ya' ri xkik'uaj kan ki' xubij palou, y rija' xutz'et k'a chi yalan utz xuben.

2 Rey 4:29

Ri Eliseo xq'ax k'a chuwech ri nrajo' nubij ri ixoq, y roma ri' xubij chire ri Guehazí: Tajitz'a-el ri apan, tak'uaj-el ri nuch'ame'y, y kabiyin junanin. Y wi k'o jun xtak'ul, man taq'ejela' kan; wi k'o jun xkaq'ejelon, man kapa'e-qa rik'in richin naq'ejela' kan. Y toq xkatapon pa rachoch ri ixoq, xtaya' ri nuch'ame'y pa ruwi' ri rupalej ri ak'ual, xcha'.

Ex 10:12

K'ari' ri Jehová xubij chire ri Moisés: Tayaka' la aq'a' pa ruwi' ri ruwach'ulew Egipto richin ye'ojopojo' ri sak' y kan xtikik'is k'a ronojel ri man xk'is ta pa ruq'a' ri saqboch, xcha' ri Jehová.

Ex 10:21

Xeri' ri Jehová xubij chik chire ri Moisés: Tayaka' ri aq'a' chikaj richin chi tiqaqa jun nimalej q'equ'm pa ruwi' chijun ri Egipto; q'equ'm ri xa kan tikirel richin chi nichap, xcha'.

Ex 14:16

Y rat tayaka' la ach'ame'y y tayuqu-apo pa ruwi' la ya'. Y tajaqa' jun ibey richin keri' kan pa chaqi'j k'a xkixq'ax-wi.

Ex 14:21

Y ri Moisés xuyek ri ruq'a' y xuyuq-apo ri ruch'ame'y pa ruwi' ri Kaqa-Palou. Y chupan k'a ri junaq'a' ri', ri Jehová xuben chi xpe jun nimalej kaq'iq' ri pa relebel-q'ij y re' xuben chi ri ya' xch'aratej y xchaqi'j-qa ri ruxe'.

Ex 14:26

Jari' toq ri Jehová xubij chire ri Moisés: Tayaka' ri aq'a' pa ruwi' ri Kaqa-Palou, richin chi ri ya' ri' kerumuqu' la aj-Egipto, la achi'a' e ch'okol chirij kiej y la ki-carruaje chuqa', xcha'.

Ex 4:9

Jak'a wi rik'in re ka'i' nima'q taq banobel richin retal re', man yatkinimaj ta y man nikak'axaj ta ri ach'abel, k'ari' xtabek'ama-pe juba' ya' richin ri raqen-ya' Nilo, y xtaq'ej pa ruwi' ri ulew. Jari' toq ri ya' xtok kik', xcha' ri Dios.

Ex 8:16

Xeri' ri Jehová xch'on chik jun bey rik'in ri Moisés y kere' xubij chire: Tabij chire ri Aarón: Tayaka' ri ach'ame'y y tanaqa' ruwi' la poqolaj ri k'o pa ruwi' ri ruwach'ulew, y keri' xkeyakatej janila chi xenen chupan chijun ri ruwach'ulew Egipto, xcha' ri Dios.

Ex 9:33

Y toq ri Moisés xel-el chupan ri tinamit toq k'a juba' tich'on kan rik'in ri rey, jari' toq xuyek ri ruq'a' chikaj y xch'on rik'in ri Jehová y jari' toq xtane-qa ri koqolajay, ri saqboch y xtane' chuqa' ri job ri najin pa ruwi' ri ruwach'ulew.

Wuj Richin ri Isaías 19:10

Ri aj-kem kan janila xkek'oje' pa k'ayew, y ri e aj-chiq'ij kan xtiq'axon kánima.

Wuj Richin ri Isaías 5:25

Roma k'a re banobel re' xyakatej janila royowal ri Jehová chiwij. Y roma ri' kan xtutzeqej k'a ri ruq'a' chiwij richin nuya' ri rutojbalil pan iwi'. Ri juyu' kan xkesilon k'a, y ri kich'akul ri qawinaq ri xkeken, kan xkepunupuxin pa taq bey; xa kan achi'el k'a q'ayis xtikiben. Man rik'in ri' ri royowal ri Jehová man jani tiq'ax, roma ri royowal rija' xa kan k'o k'a pan iwi'.

Wuj Richin ri Habacuc 3:8

Nimalej Jehová, ¿kan niyakatej chuqa' awoyowal chikij ri raqen taq ya'? ¿Kan nipe chuqa' awoyowal chikij ri palou?*f2* Rat xape pa ruwi' ri sutz' richin yojakol, ri sutz' kan e achi'el kiej o carruaje xaben chike.