Ex 7:15 - Kaqchiquel Bible

¹⁵ Ri chua'q nimaq'a' yan yabe k'a chuchi' ri raqen-ya' Nilo, roma ri rey napon chuqa' chiri' y kan tabana' k'a chi nabek'ulu-awi' rik'in. Y kan tak'uaj k'a el ri ch'ame'y ri xok kumetz.

Ex 7:15 ပူးပေါင်းရင်းမြစ်များ

Ex 8:20

Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij.

Ex 7:10

Y xebe k'a ri Moisés y ri Aarón rik'in ri rey y kan xkiben k'a ronojel ri rubin ri Jehová Dios chike. Ri Aarón xuk'eq-qa ri ruch'ame'y chuwech ri rey y chikiwech ri aj-raqen ri yesamej rik'in, y ri ch'ame'y ri' xok kumetz.

Ex 2:5

Y ri rumi'al ri rey xbe-qa chuchi' ri raqen-ya' ri' richin nibe'atin, e rachibilan-el jun tzobaj xtani' ri e rusamajela'. Y rokik ri xtani' ri' yebiyajilan chuchi' ri ya', jari' toq rija' xutz'et ri jun ti chakech chukojol ri pop ri'. Y jari' xuteq jun chike ri e rusamajela' ri e beneq chirij richin xberuk'ama-pe ri ti chakech.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Ex 7:14

Y k'ari' ri Jehová xubij chire ri Moisés: Ri rey kan janila k'a rukowirisan-ri', roma ri' man nuya' ta q'ij richin nibe ri tinamit.

1 Crón 16:21

Man rik'in ri' ri Jehová kan man xuya' ta q'ij richin xetz'ilox; koma ri qate-qatata', ri Jehová xuya' tijoj-poqonal pa kiwi' ri ch'aqa' chik rey.