Ex 7:11 - Kaqchiquel Bible

¹¹ Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón.

Ex 7:11 ပူးပေါင်းရင်းမြစ်များ

Ex 7:22

Y ri aj-itza' kan xkiben chuqa' keri' rik'in ri itzel uchuq'a' ri k'o kik'in y roma ri' ri rey xukowirisaj más ri ránima. Y man xniman ta chike ri Moisés y ri Aarón, achi'el rubin ri Jehová.

2 Timoteo 3:8

Rije' xa kitzeqelben ri itzel kibanobal ri ka'i' aj-itza' ri xek'oje' ojer ri xkibini'aj Janes y Jambrés, ri xkipaba-ki' chuwech ri Moisés, kan keri' chuqa' nikiben ri achi'a' ri' wakami ri nikipaba-ki' chuwech ri qitzij. Xa yojtajineq chik ri kich'obonik roma ri etzelal, nikibij chi kiniman chik ri Dios, y xa man qitzij ta.

Ex 8:18

Jak'a ri aj-itza' richin Egipto xkajo' chuqa' xkiben keri' rik'in ri itzel uchuq'a' ri k'o kik'in y xa man xetikir ta y keri' xek'oje' k'a xenen chikij ri winaqi' y chikij ri chikopi'.

Ex 8:7

Jak'a ri aj-itza' kan keri' chuqa' xkiben. Rik'in ri itzel uchuq'a' ri k'o kik'in xkiben chi kan xebek'ulun-pe chuqa' xkalet chijun ruwach'ulew Egipto.

2 Tesalonicenses 2:9

Jak'a toq xtibek'ulun-pe re itzel achin re', kan k'o-wi ri ruchuq'a' ri Satanás rik'in, xkerubanala' k'a k'iy meyel taq banobel y retal ri xa man e qitzij ta.

Dn 2:2

Roma ri' xuteq koyoxik ri e aj-q'ija' y ri e aj-itza' y ri etamanela' aj-Caldea, richin nikiq'alajirisaj chuwech ri achik' ri xeruben. Y konojel re achi'a' re' kan xe'apon k'a chuwech.

Wuj Richin ri Rutikeribel 41:8

Y nimaq'a' ruka'n q'ij, rija' janila k'ayew runa'on ri pa ránima, roma ri achik' ri xeruben. Y xuteq k'a koyoxik ri achi'a' etamanela' y ri achi'a' ri e aj-na'oj ri ek'o chupan ri ruwach'ulew Egipto. Y toq ek'o chik k'a ri achi'a' ri', k'ari' k'a xutzijoj ri rachik' chike, y man jun k'a xtikir ta xbin chire achike yek'ulun-wi ri rachik'.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

Dn 5:7

K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Gálatas 3:1

Wach'alal aj-Galacia, ¿achike k'a roma man yixch'obon ta? ¿O xa k'o banayon itz chiwij, richin man ninimaj ta ri qitzij, toq xa kan qabin kan chiwe chi ri Jesucristo xken qoma roj?

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Dn 2:27

Y ri Daniel xch'on k'a apo chire y xubij: Ri ewatel chawech ri kan nawajo' nawetamaj, kan man jun k'a etamanel, ni aj-q'ij, ni aj-itz, ni ri nubananej chi retaman ri peteneq, ri xtitikir ta xtiq'alajirisan chawech.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

2 Timoteo 3:9

Jak'a xa man nej ta xke'apon-wi rik'in ri kich'obonik, roma xa xtibeq'alajin-pe chikiwech konojel, chi rije' xa e nakaneq, kan achi'el xbanatej kik'in ri Janes y ri Jambrés.

Ex 7:12

Kan chikijujunal k'a rije' xkik'eq-qa ri kich'ame'y y xe'ok kumetz, jak'a ri richin ri Aarón xerubeq' ri kichin rije'.

1 Sam 6:2

K'ari' rije' xekoyoj ri e ki-sacerdote y ri nikibananej chi ketaman ri peteneq chikiwech y xkik'utuj k'a chike ri achike nikiben rik'in ri káxa. Chuqa' xkik'utuj ri achike ruk'amon nikiben richin nibekitzolij kan ri akuchi kik'amon-wi-pe.

Dn 4:6

Roma ri' xinteq k'a koyoxik konojel ri etamanela', ri e aj-q'ija', ri e aj-itza', ri nikibananej chi ketaman ri peteneq y ri pixabanela', richin xepe chinuwech chi nokibij chuwe ri achike nel chi tzij ri wachik'. Xintzijoj k'a ri wachik' ri' chike, jak'a rije' xa man xetikir ta xkiq'alajirisaj chinuwech achike nel chi tzij.

Ex 8:3

Y chupan ri raqen-ya' xkebetz'ukutej-pe janila chi xkalet, re' xkebe'el-pe y xke'ok pan awachoch, xke'ok akuchi yawer-wi, xkejote' pa ruwi' ri ach'at, pa kachoch ri asamajela', pa kachoch konojel ri awinaq, xke'ok chupan ri akuchi nachaq'arisaj-wi ri akaxlan-way y xkejote' pa taq aq'e'n.