Ex 6:7 - Kaqchiquel Bible

⁷ Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Ex 6:7 ပူးပေါင်းရင်းမြစ်များ

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Wuj Richin ri Rutikeribel 28:13

Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

1 Rey 8:60

richin tiketamaj konojel tinamit richin chi jun ruwach'ulew, chi ri Jehová jari' ri Dios y man jun chik achi'el rija'.

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Wuj Richin Bix Chire ri Dios 81:6

Yin xinelesan chiwij ri ejqa'n ri ik'uan, ri iq'a' kan xe'uxlan k'a chuk'uaxik ri al taq ejqa'n.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Ex 15:16

Xtiqaqa nimalej xibinri'il pa kiwi', roma ri ruchuq'a' ri aq'a', Roma ri' xkememur, achi'el jun abej, ri man jun nitikir nubij. k'a toq q'axineq chik na ri atinamit rat Jehová. K'a toq q'axineq chik na re tinamit re xakol-pe.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

Ex 16:12

Yin xinwak'axaj k'a ronojel ri xkixebexa' ri awinaq. Wakami k'a xtabij chike chi toq xtiqaq'ij-qa, rije' xtikitej ti'ij y toq xtiseqer xtikitej aj-chikajil-wey y man jun ri xtinum ta. Y rik'in ri' xtikitz'et k'a chi ja yin Jehová ri i-Dios, xcha'.

Ex 16:6

K'ari' ri Moisés y ri Aarón xkibij chike ri kiwinaq: Re xtiqaq'ij-qa re wakami, rix xtitz'et chik chi ja ri Jehová, ri xojelesan-pe pan Egipto.

Ex 2:11

Y toq q'axineq chik k'iy juna', toq ri Moisés kan achin chik, k'o k'a jun q'ij xbe richin chi xeberutz'eta' ri e ruwinaq israelita, y xutz'et chi kan janila nikitej poqon pa samaj. Xutz'et chuqa' chi jun aj-Egipto janila nuch'ey jun chike ri ruwinaq.

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Ex 7:17

Roma ri', rix xtiwetamaj k'a ruwech achike ri Jehová, roma rik'in re ch'ame'y re k'o pa nuq'a' xtinneq-qa re ya' richin re raqen-ya' Nilo y xtok k'a kik'.

Wuj Richin ri Isaías 41:20

Xtinben ronojel re' richin chi nitz'et, y niwetamaj chi ja yin Jehová ri in banayon ronojel re', chi ja yin ri in loq'olej ri ink'o pan Israel k'iytisayon ronojel re'.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 49:26

Chuqa' chike ri yetz'ilo iwichin, kan xtinben richin xtikitej-qa-ki' rije', y kan xkeq'aber rik'in ri kikik'el rije' ri xtikiqum, achi'el toq yeq'aber rik'in ri vino. Xtibanatej ronojel re' richin chi'iwonojel xtiwetamaj chi ja yin Jehová, ri in kolonel, ri xiloq'on iwichin, ri k'o nimalej uchuq'a' wik'in richin yixinto' rix israelita.

Wuj Richin ri Isaías 51:15

Roma kan ja yin Jehová ri i-Dios, ri kan nisilon richin ri palou, y kan ninben chike chi yeq'ajan. Ja yin, Jehová k'iytisanel richin ronojel, jari' ri nubi'.

Wuj Richin ri Isaías 60:16

Ri ch'aqa' chik winaqi' richin ri ruwach'ulew kan xtikiya' ri jebelej taq wey chiwe. Y kan xkixchajix achi'el niban kik'in ri rey. Y chupan ri q'ij ri' xtiwetamaj chi ja yin Jehová; ri yixkolon rix, Dios ri kan k'o nimalej ruchuq'a' pan iwi' rix.

Wuj Richin ri Isaías 63:8

Y rija' kere' xubij pa ruwi' ri qatinamit Israel: Rije' e nutinamit yin, alk'ualaxela' ri man jun bey xkinkimalij kan, xcha'. Y roma ri' rija' kan xerukol-wi.

Wuj Richin ri Jeremías 30:22

Rix xkixok nutinamit y yin xkinok i-Dios.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Ez 20:19

Xinbij chike chi ja yin Jehová ri in ki-Dios y kan tikitzeqelibej k'a ri nupixa' y kan tikiyaka' k'a pa taq kánima.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Wuj Richin ri Chojmirisabelri'il 11:44

Ja yin Jehová ri i-Dios, y man jun chik ri achi'el ta yin. Y roma rix ijachon chik iwi' chuwe yin, roma ri' rix k'o chi man yixmakun achi'el nikiben ri ch'aqa' chik winaqi'; rix xa kan ix ch'ajch'oj-wi y roma ri' man tiben chi yixok man ch'ajch'oj ta koma ri chikopi' ri'.

Wuj Richin ri Chojmirisabelri'il 11:45

Yin Jehová ri xinelesan-pe iwichin ri chiri' pan Egipto richin chi xinok i-Dios. Roma ri' man ix junan ta kik'in ri ch'aqa' chik winaqi', kan ruk'amon chi rix ix ch'ajch'oj, roma yin kan in ch'ajch'oj-wi, xcha' ri Jehová chike.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Wuj Richin ri Q'axanri'il 15:41

Ja yin Jehová ri xinelesan-pe iwichin pa ruwach'ulew Egipto richin xinok i-Dios. Ja yin k'a Jehová, ri i-Dios wakami, xcha'.

San Mateo 22:32

Roma nubij: Jak'a yin ri in Dios ri xkiya' ruq'ij ri Abraham, ri Isaac y ri Jacob, nicha'. Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi', xcha' ri Jesús.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Deut 26:18

Ri Jehová xubij re wakami chi roj israelita kan oj jun tinamit richin rija' achi'el ri rusujun chiqe, roma ri' kan tiqataqej ronojel ri rupixa'.

Deut 29:12

Roj qamolon-qi' wawe' richin chi noqaqa chi'ik'u'x richin nitaqej ri jikibel-tzij ri xiben rik'in ri Jehová ri qa-Dios.

Deut 29:13

Wakami kan nijike' k'a kan chi roj kan oj rutinamit y rija' kan qa-Dios achi'el ri rusujun chiqe y chike ri qati't-qamama': Ri Abraham, ri Isaac y ri Jacob.

Deut 29:5

Roma chupan ri kawineq juna', toq xixinyuqej chupan ri tz'iran ruwach'ulew, kan man xtziaqir ta ri itziaq ni ri ixajab.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

1 Pedro 2:10

Ri rubanon kan, man ix jun tinamit ta, jak'a re wakami xixok rutinamit ri Dios. Man ik'ulun ta rutzil rija' jak'a re wakami xik'ul ri rutzil.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.

Apocalipsis 21:7

Ri xtich'akon xtrichinaj re urtisanik re'. Ja yin k'a xkinok ru-Dios, y rija' walk'ual.