Ex 6:5 - Kaqchiquel Bible

⁵ Keri' chuqa' yin xinwak'axaj ri kijiloj ri awinaq israelita, ri e yuqul pa samaj kik'in ri aj-Egipto y roma ri' xoqaqa chinuk'u'x ri nujikiban chike ri iwati't-imama'.

Ex 6:5 ပူးပေါင်းရင်းမြစ်များ

Ex 2:24

Y ri Dios kan xrak'axaj k'a ri kijiloj rije', y kan k'o k'a chi yeruto' roma keri' ri jikibel-tzij ri rubanon ojer, kik'in ri Abraham, ri Isaac y ri Jacob.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

San Lucas 1:72

Xubij chi xtujoyowaj kiwech ri qati't-qamama' ri xek'oje' ojer kan, y kan nuben-wi ri xubij toq xuben ri loq'olej jikibel-tzij.

San Lucas 1:54

Kan xuben ri xusuj chike ri qati't-qamama'. Xojruto' roj judío, ri oj rusamajela'.

Wuj Richin Bix Chire ri Dios 105:8

Rija' kan jantape' noqaqa chuk'u'x ri jikibel-tzij ri rubanon. Noqaqa chuk'u'x ri ruch'abel ri rubin pa kiwi' ri chi sol chi sol winaqi'.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Wuj Richin ri Rutikeribel 9:15

jari' toq xtinnataj chik ri nujikibel-tzij ri xinben yin iwik'in rix, y kik'in ronojel kiwech chikopi' ri k'o kik'aslen. Y man jun bey chik xtinya-pe ri ya' ri xmuqun ri ruwach'ulew pa kiwi' ri ek'o chuwech re ruwach'ulew.

Wuj Richin ri Rutikeribel 8:1

Jak'a ri Dios kan xuya-wi ri rutzil pa ruwi' ri Noé y ronojel kiwech chikopi' ri ek'o chupan ri nima-barco ri'; y roma ri' ri Dios xuben k'a chi xq'ax jun kaq'iq' pa ruwi' ri ruwach'ulew y ri ya' xuchop-qa ruqajinen.

Ex 2:23

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Ex 5:4

Jak'a ri rey xubij chike: Rix Moisés y Aarón ¿Achike roma toq niben chike ri iwinaq richin rije' nikipaba' ri kisamaj? Y rix tibana' ri isamaj ri k'o chi niben, xcha'.