Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.
Xkixink'uaj chupan ri ruwach'ulew ri nusujun-pe chike ri Abraham, ri Isaac y ri Jacob, Y YIN RI JEHOVÁ xtinya' k'a kan chiwe rix, richin xtiwichinaj, kacha' chike, xcha' ri Jehová.
K'o chi xtabij chire ri Aarón ronojel ri xtinbij chawe yin y rija' xtubij chire ri rey ronojel ri xtabij rat chire, richin keri' tuya-el q'ij chike ri iwinaq richin chi ke'el-el chupan re ruwach'ulew re'.
Wi jun chike rije' nuben jun achik' y nutzijoj, re' xa maneq rejqalen. Jak'a wi k'o jun ri nuk'ul ri nuch'abel y nubij ri qitzij, re' kan k'o-wi rejqalen. Re ka'i' rutzijol re' kan man junan ta; achi'el ri páxa man junan ta rik'in ri trigo.
Kapa'e' k'a chiri' chuwa-jay chire ri wachoch y tabij ronojel ri xtinbij chawe chike ri awinaq ri yepe richin nokiya' nuq'ij chupan ri wachoch. Kan ronojel k'a ch'abel ri xtinbij yin chawe, xtabij y kan man jun achike ri xtawewaj.
Y k'ari' kabiyin kik'in ri awinaq ri e k'amon-pe wawe' pa Babilonia y xkach'on k'a kik'in y xtabij k'a chike re rutzijol re', stape' xkatkak'axaj o ni, xcha'.
Rat Ezequiel, yin xinben chawe richin xatok achi'el jun chajinel pa kiwi' ri awinaq israelita. Tawak'axaj k'a ri xtinbij yin y rat k'o chi xtabebij chike ri awinaq.
Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.