Ex 6:20 - Kaqchiquel Bible

²⁰ Ri Amram xk'ule' rik'in ri ruch'utite', ri rubini'an Jocabed y jare' ri kite' ri Aarón y ri Moisés. Y ri Amram xk'ase' 137 juna'.

Ex 6:20 ပူးပေါင်းရင်းမြစ်များ

1 Crón 23:13

Ri e ka'i' ruk'ajol ri Amram ja ri Aarón y ri Moisés. Ri Aarón xcha'ox richin nusuj ri sipanik ri yejach chire ri Dios, y richin nuporoj pom chuwech ri Jehová. Kan nusamajij, y kan pa rubi' ri Dios nuya' urtisanik. Ronojel re' ja re' ri samaj ri k'o chi nikiben ri Aarón y ri e rijatzul richin q'asen.

Ex 6:16

Y jere' ri kibi' k'a chikijujunal ri e ruk'ajol ri Leví ri nitiker-pe rik'in ri nimalaxel k'a rik'in ri chaq'laxel. Y ri' ja ri Guersón, ri Quehat y ri Merarí. Y ri Leví xk'ase' k'a 137 juna'.

Ex 6:18

Jere' ri kibi' chikijujunal ri e ruk'ajol ri Quehat, ri Amram, ri Ishar, ri Hebrón y ri Uziel. Y ri Quehat, xk'ase' k'a 133 juna'.

Wuj Richin ri Q'axanri'il 26:58

Y ri kajlabal ri ch'aqa' chik tzobaj ri kan e rijatzul chuqa' ri Leví ja ri tzobaj libnita, ri hebronita, ri mahlita, ri musita y ri coreíta. Y ri Quehat ruk'ajol ri Leví xralk'ualaj ri Amram.

Wuj Richin ri Q'axanri'il 26:59

Y re Amram re' xk'ule' rik'in jun rijatzul kan ri Leví, ri rubini'an Jocabed, ri xalex toq kan k'a k'o na ri chiri' pan Egipto. Y re ixoq re' xek'oje' e oxi' ral, e ralk'ual ri Amram, ri xkibini'aj Aarón, Moisés y María.

Wuj Richin ri Q'axanri'il 3:1

Jare' k'a ri rucholajen ri kijatzul ri Aarón y ri Moisés toq ri Jehová xch'on rik'in ri Moisés, pa ruwi' ri juyu' rubini'an Sinaí.

Wuj Richin ri Josúe 21:4

Xsakix k'a ri tinamit, y ja ri e rijatzul kan ri Quehat, rumama' kan ri sacerdote Aarón, ri xek'uluman nabey. Y rije' xkik'ulumaj kan jujun tinamit ri xsipex kan chike koma ri tzobaj richin ri Judá, ri Simeón y ri Benjamín: Ronojel re' e oxlajuj tinamit.