Ex 6:16 - Kaqchiquel Bible

¹⁶ Y jere' ri kibi' k'a chikijujunal ri e ruk'ajol ri Leví ri nitiker-pe rik'in ri nimalaxel k'a rik'in ri chaq'laxel. Y ri' ja ri Guersón, ri Quehat y ri Merarí. Y ri Leví xk'ase' k'a 137 juna'.

Ex 6:16 ပူးပေါင်းရင်းမြစ်များ

Wuj Richin ri Rutikeribel 35:28

Ri Isaac xk'ase' 180 juna' chuwech re ruwach'ulew.

Wuj Richin ri Rutikeribel 46:11

Ri e ralk'ual ri Leví, je ri Guersón, ri Quehat y ri Merarí.

Wuj Richin ri Rutikeribel 46:9

Ri e ralk'ual k'a ri Rubén, je ri Janóc, ri Falú, ri Hezrón y ri Carmí.

Wuj Richin ri Rutikeribel 47:28

Ri Jacob xk'ase' chik k'a wuqlajuj juna' ri chiri' pan Egipto, y xutz'aqatisaj k'a el 147 rujuna'.

Wuj Richin ri Rutikeribel 50:26

Y xken k'a ri José toq k'o chik 110 rujuna'; y xkaq'omaj k'a richin man chi'anin ta niq'ey. K'ari' xkiya' pa jun káxa*f33* ri chiri' pan Egipto.

1 Crón 23:6

Y ri David xeruch'er k'a ri levita ri' pa taq tzobaj achi'el ri kajlabal ri e ruk'ajol kan ri Leví. Y rije' ja ri Guersón, ri Quehat, y ri Merarí.

1 Crón 6:1

Jare' ri e oxi' ruk'ajol kan ri Leví: Ri Guersón, ri Quehat y ri Merarí.

1 Crón 6:16

Ja' kibi' re' ri e ruk'ajol ri Leví: ri Guersón, ri Quehat y ri Merarí.

2 Crón 29:12

Y ri e levita ri' kan chi'anin xkichop rubanik ri samaj. Chike ri e rijatzul kan ri Quehat, xesamej ri Máhat ruk'ajol ri Amasai, y ri Joel ruk'ajol ri Azarías. Chike ri e rijatzul kan ri Merarí, xesamej ri Cis ruk'ajol ri Abdí y ri Azarías, ruk'ajol ri Jehaleel. Chike ri e rijatzul ri Guersón, ja ri Joah ruk'ajol ri Zimá y ri Edén ruk'ajol ri Joah.

Ex 2:1

Chupan k'a ri q'ij ri' xk'oje' k'a jun achin chikikojol ri rijatzul kan ri Leví, rija' k'ulan k'a rik'in jun ixoq ri junan kati't-kimama'.

Ex 6:18

Jere' ri kibi' chikijujunal ri e ruk'ajol ri Quehat, ri Amram, ri Ishar, ri Hebrón y ri Uziel. Y ri Quehat, xk'ase' k'a 133 juna'.

Ex 6:20

Ri Amram xk'ule' rik'in ri ruch'utite', ri rubini'an Jocabed y jare' ri kite' ri Aarón y ri Moisés. Y ri Amram xk'ase' 137 juna'.

Wuj Richin ri Q'axanri'il 16:1

K'o k'a jun achin richin ri tzobaj richin ri Leví, rubini'an Coré, ruk'ajol ri Ishar ri rijatzul ri Quehat. Y ri Coré ri' ek'o k'a e oxi' chik rachibil ri e richin ri tzobaj richin ri Rubén, ri kibini'an Datán, Abiram ri e ruk'ajol ri Eliab, y chuqa' ri On ri ruk'ajol ri Pélet.

Wuj Richin ri Q'axanri'il 26:57

Jare' k'a ri kajlabal ri tzobaj ri e rijatzul kan ri Leví; rija' xek'oje' e oxi' ruk'ajol y rije' kibini'an Guersón, Quehat y ri Merarí. Y xkiben oxi' tzobaj.

Wuj Richin ri Q'axanri'il 3:17

Y jare' k'a ri kibi' ri e ruk'ajol kan ri Leví: Ri Guersón, ri Quehat y ri Merarí. Ri kibi' ri e kik'ajol rije' ri kan k'o chik kixjayilal, kalk'ual y kiy-kimam: Ri e ralk'ual kan ri Guersón ja ri Libní y ri Simí. Ri e ralk'ual kan ri Quehat ja ri Amram, Ishar, Hebrón y ri Uziel. Ri e ralk'ual kan ri Merarí ja ri Mahli y ri Musí.

Wuj Richin ri Josúe 21:4

Xsakix k'a ri tinamit, y ja ri e rijatzul kan ri Quehat, rumama' kan ri sacerdote Aarón, ri xek'uluman nabey. Y rije' xkik'ulumaj kan jujun tinamit ri xsipex kan chike koma ri tzobaj richin ri Judá, ri Simeón y ri Benjamín: Ronojel re' e oxlajuj tinamit.

Wuj Richin ri Josúe 21:6

Y ri rijatzul kan ri Guersón xkik'ulumaj kan rik'in ri sakinik jujun tinamit ri xsipex kan koma ri tzobaj richin ri Isacar, ri Aser, ri Neftalí y ri nik'aj chik chire ri tzobaj richin ri Manasés ri k'o pa ruwach'ulew Basán: Ronojel ri xkik'ulumaj kan e oxlajuj tinamit.