Ex 6:12 - Kaqchiquel Bible

¹² Jak'a ri Moisés xubij chire ri Jehová: Man yinkak'axaj ta na ri nuwinaq israelita, k'atala' chik k'a ri rey, roma yin xa man nel ta ok nuch'abel, xcha'.

Ex 6:12 ပူးပေါင်းရင်းမြစ်များ

Ex 3:11

Jari' toq ri Moisés xubij chire ri Dios: ¿In achike ta k'a yin, richin chi ja yin ri yinateq-el k'a rik'in ri rey, y yenwelesaj-pe pan Egipto ri nuwinaq ri junan wijatzul kik'in?, xcha'.

Ex 3:13

Jak'a ri Moisés xubij chire ri Dios: Wi ta yin yinapon kik'in ri nuwinaq, y ninbij chike: Ri Dios ri kichin kan ri qati't-qamama' in rutaqon-pe iwik'in rix, xkicha' chike, wi rije' xtikik'utuj chuwe: ¿Achike rubi'?, xkecha' chuwe. ¿Achike k'a xtinbij yin chike?, xcha' ri Moisés chire ri Dios.

Ex 4:1

K'ari' ri Moisés xch'on y xubij chire ri Dios: Ri nuwinaq xa man xkinkinimaj ta y man xtikak'axaj ta ri nuch'abel. Rije' xa xtikibij: Ri Jehová maneq xuk'ut-ri' chawech rat, xkecha' chuwe, xcha' ri Moisés chire ri Dios.

Ex 4:10

K'ari' ri Moisés xubij chire ri Jehová: ¡Ajaw! Yin xa man xkitikir ta xtinben ri nawajo' rat, roma yin xa kan wichin wi chi man nel ta ok ri nuch'abel. Xa kan keri' ri rubanon kan y man k'a ta re wakami toq rat achapon-pe ch'owen rik'in re asamajel re', xcha'.

Ex 6:13

Y ri Jehová xch'on kik'in ri Moisés y ri Aarón y xubij chike ri achike ruk'amon richin nikiben ri winaqi' israelita y ri ruk'amon chi nuben ri rey richin ri ruwach'ulew Egipto, roma rije' k'o chi yekelesaj-pe ri winaqi' chiri'.

Ex 6:30

Jak'a ri Moisés xubij chire ri Jehová: ¿Achi'el ta k'a toq yirak'axaj ri rey, toq xa man nel ta ok nuch'abel?, xcha'.

Ex 6:9

Ronojel k'a ri xubij ri Jehová, xutzijoj k'a ri Moisés chike ri ruwinaq. Jak'a rije' xa man xkak'axaj ta roma xa kimalin chik kik'u'x roma ri ilinri'il.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin ri Jeremías 1:6

Jak'a yin xinbij chire chi man yitikir ta yich'on, roma xa k'a janila in k'ajol.

Wuj Richin ri Jeremías 6:10

Jak'a yin, Jeremías xinbij chire ri Dios: ¿Achike k'a xtak'axan wichin toq ninya' re' rutzijol re' chike? roma rije' man nikajo' ta nikak'axaj y man niq'ax ta chikiwech. Xa yeyojoben chirij ri ach'abel, y man niqa' ta chikiwech.

Wuj Richin ri Chojmirisabelri'il 26:41

Roma ri' yin xtinpaba-wi' chikiwech rije', y xkenteq chuqa' el pa kiruwach'ulew ri etzelanel kichin. Y chiri' xtiqasex k'a kiq'ij y xtikejqalej ri kimak.

Hechos 7:51

Rix kowirineq ri iwánima chupan ri etzelal. Rix ix achi'el ri man e qawinaq ta ri man nikitzeqelibej ta ri qa-Dios, y man jun bey niwajo' chi ja ta ri Loq'olej Espíritu ri nuk'uan iwichin. Kan achi'el xkibanala' ri qati't-qamama', kan keri' k'a chuqa' niben rix re wakami.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.