Ex 40:38 - Kaqchiquel Bible

³⁸ Ri sutz' ri richin ri Dios kan xk'oje' k'a pa ruwi' ri rachoch ri richin molojri'il y ri chi'aq'a', ri sutz' ri' nok ruxaq q'aq' chikiwech konojel ri e rijatzul kan ri Israel, chupan ri kibinen. Janipe' k'a juna' ri xebiyin ri israelita, xkitz'et ri sutz' jotol chikaj pa ruwi' ri rachoch ri Dios y ri chi'aq'a' ri sutz' ri' kan nok ruxaq q'aq'.

Ex 40:38 ပူးပေါင်းရင်းမြစ်များ

2 Sam 7:6

Kan qitzij na wi chi yin xa kan xaxe chupan jun jay ri banon rik'in tzieq ri ink'o-wi-pe; re' kan ja toq xenwelesaj-pe ri awati't-amama' pan Egipto k'a re wakami.

Wuj Richin Bix Chire ri Dios 105:39

Ri Jehová xurik' k'a jun sutz' pa kiwi' ri qati't-qamama' richin xok kimujal. Rik'in k'a jun nimalej ruxaq q'aq' xerusaqirisaj ri chi'aq'a'.

Wuj Richin Bix Chire ri Dios 78:14

Ri paq'ij xeruyuqej rik'in jun sutz' pa'el chikaj. Y ri chi'aq'a' rik'in jun ruxaq-q'aq' pa'el chikaj.

Ex 13:21

Y ri Jehová beneq k'a chikiwech rije': Ri paq'ij beneq pa jun sutz' pa'el chikaj richin nuk'ut ri bey chikiwech, y ri chi'aq'a', ri sutz' ri' nok ruxaq-q'aq' richin nusaqirisaj ri kibey, richin chi yebiyin chi paq'ij chi chaq'a'.

Ex 13:22

Y ri achi'el sutz' rubanik ri paq'ij y ri achi'el rubanik ruxaq-q'aq' ri chi'aq'a', kan jantape' k'a nabey-el chikiwech.

Wuj Richin ri Q'axanri'il 10:34

Y ri sutz' richin ri Jehová kan beneq k'a pa kiwi' rije' ri paq'ij, toq kan kichapon k'a ri kibey.

Wuj Richin ri Q'axanri'il 9:12

Y man jun tuyek kan richin ri ruka'n q'ij chire ri ti'ij ri nitij ri q'ij ri' y man tikiq'ej ri rubaqil. Ronojel re ruchojmilal re' k'atzinel richin nikiben.

Wuj Richin ri Q'axanri'il 9:15

Chupan k'a ri q'ij toq xtane' ruchojmirisaxik ri rachoch ri Dios, kan jari' k'a toq k'o jun achi'el sutz' ri xumatzej-rij ri jay ri'. Y ri achi'el sutz' ri' nok k'a achi'el jun q'aq' ri nisaqirisan ri chaq'a' y toq niseqer-pe nok chik el sutz'.

Wuj Richin ri Q'axanri'il 9:16

Keri' k'a xuchop rubanik ronojel mul; ri sutz' numatzej-rij ri rachoch ri Dios ri paq'ij y ri chaq'a' nok achi'el jun q'aq' ri nisaqirisan.