Ex 40:16 - Kaqchiquel Bible

¹⁶ Ri Moisés kan xuben k'a ronojel ri xbix chire roma ri Jehová.

Ex 40:16 ပူးပေါင်းရင်းမြစ်များ

Wuj Richin ri Rutikeribel 6:22

Y ri Noé kan keri' k'a xuben achi'el xubij ri Dios chire.

Ex 40:15

y kan xtaqasaj k'a aceite pa kiwi' achi'el xaben chire ri Aarón, rik'in keri' kan xke'ok k'a nu-sacerdote, richin chi yinkisamajij. Y re' kan xtuben k'a chi xe'ok yan kan pa samaj ri e kijatzul ri xkepe chi wiq chi tanaj, xcha' ri Jehová.

Ex 7:6

Ri Moisés y ri Aarón kan xkiben k'a ronojel ri xubij ri Jehová chike.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

Wuj Richin ri Jeremías 13:5

K'ari' yin xibe chiri' y xinwewaj kan, achi'el xubij ri Jehová chuwe.

Wuj Richin ri Chojmirisabelri'il 8:13

K'ari' ri Moisés xuben k'a chike ri e ruk'ajol ri Aarón chi kejel-apo, xuya' k'a chikij jujun nim raqen kitziaq, ri ximibel-kipan y ri kuchubel-kijolon ri retal kisamaj. Kan achi'el ri rubin ri Jehová chire chi tubana'.

Wuj Richin ri Chojmirisabelri'il 8:9

Xeri' xuya' chuqa' ri kuchubel-rujolon retal ri rusamaj y chuwech ri' xuya' ri tz'ajtz'ik q'anapueq, kan achi'el ri rubin ri Jehová chire chi tubana'.

Wuj Richin ri Q'axanri'il 1:19

Ri Moisés kan xuben-wi k'a ri tz'iban bi'aj ri rubin ri Jehová chire, ri chiri' chupan ri tz'iran ruwach'ulew Sinaí.

Wuj Richin ri Q'axanri'il 9:22

Wi ri sutz' nipa'e' pa ruwi' ri rachoch ri Dios jun ka'i' q'ij, o jun ik', o jun juna'; rokik pa'el chiri', ri winaqi' israelita yek'oje' chiri' y man yesilon ta el. Jak'a toq ri sutz' niyakatej-el, rije' chuqa' ye'el-el chiri' y yebe.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

1 Corintios 4:2

Y jun samajel kan nik'atzin chi tubana' ri samaj, achi'el ri rubin ri rajaw chire.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Deut 4:1

Wakami k'a rix nuwinaq, tiwak'axaj k'a ronojel ri nubij ri pixa' re nink'ut chiwech. Kan titaqej k'a, richin xtiwichinaj y richin xkixk'ase' chupan ri ruwach'ulew ri xtuya' chiwe ri Jehová, ri ki-Dios chuqa' ri qati't-qamama'.

Hebreos 3:2

Ri Cristo Jesús kan xuben-wi ri samaj ri xuya-pe ri Dios chire, achi'el xuben ri Moisés, ri man xerumalij ta kan ri e ruwinaq ri Dios.

Hebreos 3:5

Ri Moisés jun utzilej rusamajel ri Dios, ri man xerumalij ta kan ri e ruwinaq ri Dios. Rija' xeruq'alajirisaj yan k'a ri man jani kerubij ri Dios ri xkebebanatej-apo.