Ex 40:14 - Kaqchiquel Bible

¹⁴ Xeri' xtaben richin xkepe chuqa' chawech ri e ruk'ajol y kan xke'awiq chuqa' rik'in ri nim raqen kitziaq,

Ex 40:14 ပူးပေါင်းရင်းမြစ်များ

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

1 Corintios 1:9

Y kan xkixruto-wi, roma ri Dios kan nuben-wi ronojel ri e rubin, roma ja rija' ri xoyon qichin richin chi junan qawech nuben rik'in ri qajaw Jesucristo.

Romanos 13:14

Nik'atzin k'a chi jun tiqabana' rik'in ri ajaw Jesucristo, y man tiqach'ob niqaya' q'ij chike ri itzel taq rayinik.

Romanos 8:30

Y roj ri xojrucha' ri Dios, kan xojroyoj. Y toq oj royon chik, xuben k'a chiqe chi kan man jun chik qamak chuwech. Y toq rubanon chik k'a chiqe chi man jun qamak, xuben chiqe chi xojok achi'el rija'.

San Juan 1:16

Kan qonojel k'a roj qak'ulun ri rutzil ri ch'abel ri'. Kan man xaxe ta k'a jun bey ri ruya'on-pe pa qawi', xa kan kitzeqelibelon-pe-ki' ri utzil ri yeruya-pe pa qawi'.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Ex 40:13

K'ari' xtawiq ri Aarón rik'in ri tzieq richin ri rusamaj y xtaqasaj aceite pa ruwi', richin nok nu-sacerdote y utz chik richin chi yirusamajij.

Ex 40:15

y kan xtaqasaj k'a aceite pa kiwi' achi'el xaben chire ri Aarón, rik'in keri' kan xke'ok k'a nu-sacerdote, richin chi yinkisamajij. Y re' kan xtuben k'a chi xe'ok yan kan pa samaj ri e kijatzul ri xkepe chi wiq chi tanaj, xcha' ri Jehová.

Ex 29:8

K'ari' xke'awoyoj ri e ruk'ajol ri Aarón y xtaya' ri nim raqen tzieq chikij.

Wuj Richin ri Chojmirisabelri'il 8:13

K'ari' ri Moisés xuben k'a chike ri e ruk'ajol ri Aarón chi kejel-apo, xuya' k'a chikij jujun nim raqen kitziaq, ri ximibel-kipan y ri kuchubel-kijolon ri retal kisamaj. Kan achi'el ri rubin ri Jehová chire chi tubana'.