Ex 4:20 - Kaqchiquel Bible

²⁰ Y ri Moisés xuk'uaj-el ri rixjayil y ri e ka'i' ruk'ajol y xeruch'okoba-el chirij jun bur y xuchop k'a el bey richin nitzolin pan Egipto, y chuqa' xuk'uaj-el ri ruch'ame'y, ri richin ri Dios.

Ex 4:20 ပူးပေါင်းရင်းမြစ်များ

Ex 14:16

Y rat tayaka' la ach'ame'y y tayuqu-apo pa ruwi' la ya'. Y tajaqa' jun ibey richin keri' kan pa chaqi'j k'a xkixq'ax-wi.

Ex 17:9

Y ri Moisés xubij k'a chire ri Josué: Chua'q ke'acha' k'a achi'a' chiqakojol, richin chi yixbe pan oyowal chikij ri e rijatzul ri Amalec y yin xkibek'oje' pa ruwi' ri juyu' y nink'uaj ri ch'ame'y richin ri Dios, xcha'.

Ex 18:6

Y jari' toq ri Jetro xuteq rubixik chire ri Moisés y xubij: Yin ri in ajinan, xinoqaqa k'a re wawe' chi aq'ejeloxik, nuk'amon-pe ri numi'al, ri awixjayil rat y ri e ka'i' taq ak'ajol, xcha'.

Ex 2:22

Y rija' xralaj k'a jun ak'ual ti ala', ri Moisés xunojij-qa y xubij: Re ak'ual re' xtubini'aj Guersón,*f1* roma yin xa in q'axel chupan jun chik ruwach'ulew, xcha'.

Ex 4:17

Tak'uaj-el re ach'ame'y, roma rik'in re' xtaben nima'q taq banobel, xcha' ri Dios chire ri Moisés.

Ex 4:2

Y ri Jehová xuk'utuj chire chi achike ruk'uan pa ruq'a'. Y ri Moisés xubij: Jun nuch'ame'y, xcha'.

Wuj Richin ri Q'axanri'il 20:11

Y jari' toq ri Moisés xutzeqej k'a ri ruch'ame'y y xuk'osij ka'i' mul ri abej. Y kan jari' xbechoxcho-pe ya' chupan ri abej; y xe'uk'ya' k'a konojel ri winaqi', y xe'uk'ya' chuqa' ri kawej.

Hechos 7:29

Toq ri Moisés xrak'axaj keri', xanimej-el y xuya' kan ri Egipto y xbe k'a pa ruwach'ulew Madián. Ri chiri', chikikojol winaqi' ri man e judío ta, chikikojol ri' xk'oje-wi. Chiri' xk'ule-wi chuqa', y xek'oje' e ka'i' ruk'ajol.