Ex 4:17 - Kaqchiquel Bible

¹⁷ Tak'uaj-el re ach'ame'y, roma rik'in re' xtaben nima'q taq banobel, xcha' ri Dios chire ri Moisés.

Ex 4:17 ပူးပေါင်းရင်းမြစ်များ

2 Rey 4:29

Ri Eliseo xq'ax k'a chuwech ri nrajo' nubij ri ixoq, y roma ri' xubij chire ri Guehazí: Tajitz'a-el ri apan, tak'uaj-el ri nuch'ame'y, y kabiyin junanin. Y wi k'o jun xtak'ul, man taq'ejela' kan; wi k'o jun xkaq'ejelon, man kapa'e-qa rik'in richin naq'ejela' kan. Y toq xkatapon pa rachoch ri ixoq, xtaya' ri nuch'ame'y pa ruwi' ri rupalej ri ak'ual, xcha'.

Ex 14:16

Y rat tayaka' la ach'ame'y y tayuqu-apo pa ruwi' la ya'. Y tajaqa' jun ibey richin keri' kan pa chaqi'j k'a xkixq'ax-wi.

Ex 17:9

Y ri Moisés xubij k'a chire ri Josué: Chua'q ke'acha' k'a achi'a' chiqakojol, richin chi yixbe pan oyowal chikij ri e rijatzul ri Amalec y yin xkibek'oje' pa ruwi' ri juyu' y nink'uaj ri ch'ame'y richin ri Dios, xcha'.

Ex 4:2

Y ri Jehová xuk'utuj chire chi achike ruk'uan pa ruq'a'. Y ri Moisés xubij: Jun nuch'ame'y, xcha'.

Ex 4:20

Y ri Moisés xuk'uaj-el ri rixjayil y ri e ka'i' ruk'ajol y xeruch'okoba-el chirij jun bur y xuchop k'a el bey richin nitzolin pan Egipto, y chuqa' xuk'uaj-el ri ruch'ame'y, ri richin ri Dios.

Wuj Richin ri Q'axanri'il 20:8

Tachapa' ri ch'ame'y, y rat awachibilan ri awach'alal Aarón ke'imolo' konojel ri iwinaq chuwech ri nimalej abej ri k'o chiri'. K'ari' kan chikiwech konojel ri winaqi' ri' kach'on chire ri abej y xtibeq'ejej-pe ya'. Y keri' k'a xtaben chi xtibe'el-pe ya' richin ke'uk'ya' ri awinaq y chuqa' richin ke'uk'ya' ri kawej, xcha'.

1 Corintios 1:27

Man rik'in ri' ri Dios xixrucha', stape' ri winaqi' nikitz'et chi man jun etamabel k'o iwik'in. Keri' xuben chiwe richin chi yek'ixbitej ri nikibananej chi ri e aj-na'oj. Xixrucha' chuqa' stape' chikiwech ri winaqi' maneq ok uchuq'a' pan iq'a', richin chi yek'ixbitej ri k'o janila uchuq'a' pa kiq'a'.