Ex 4:15 - Kaqchiquel Bible

¹⁵ Rat xkach'on k'a rik'in y xtabij chire ri xinbij chawe, y yin kan xkik'oje' awik'in rat y rik'in rija', y xtink'ut k'a chiwech ri k'o chi xtiben.

Ex 4:15 ပူးပေါင်းရင်းမြစ်များ

Wuj Richin ri Isaías 51:16

Yin ri kan xinrik' ri kaj, y xinben ri ruwach'ulew, y xixincha' rix aj-Sión. Roma ri' ja rix ix nuwinaq. Yin kan xinya' ri nuch'abel pan ichi', y kan yixinto' rik'in ronojel, achi'el xa ta nuya'on ri nuq'a' pan iwi' richin imujal.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

Deut 18:18

Yin xkibanon richin chikikojol rije' xtel-wi-pe jun q'alajirisey ri nuch'abel achi'el rat, jun ri kan iwinaq rix, y kan xtubij chike ri winaqi' achike ri xtinbij chire.

Wuj Richin ri Q'axanri'il 23:16

Y ri Jehová kan xuk'ut na wi ri' chuwech ri Balaam y xubij chire chi titzolej rik'in ri Balac y tubij chire ri ch'abel ri xubij-el chire.

Wuj Richin ri Q'axanri'il 23:12

Y ri Balaam xubij k'a chire ri Balac chi ri xtubij ri Jehová chire xaxe ri' ri xtitikir xtubij.

Wuj Richin ri Q'axanri'il 23:5

Y ri Jehová kan xubij k'a el chire ri Balaam ri achike chi ch'abel ri ruk'amon chi niberubij y xubij chi titzolin ri akuchi k'o-wi ri Balac, y tubij chire ri xubij-el chire.

Wuj Richin ri Jeremías 1:9

Jari' toq ri Jehová xuya-apo ri ruq'a' y xuchop ri nuchi' y xubij chuwe:

Wuj Richin ri Isaías 59:21

Pa ruwi' ronojel re' ri Jehová xubij: Yin kan xtinben jun jikibel-tzij iwik'in, chi ri nu-Espíritu kan man xtel ta chik iwik'in rix, y ri nutijonik ri ik'ulun, kan man xtimestaj ta kan, y ni ta kik'in ri iwijatzul richin tibe-q'ij tibe-seq, xcha'.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

2 Sam 14:3

Y xubij k'a el chire ri ch'abel ri k'o chi xtubij chire ri rey toq xtapon rik'in.

Wuj Richin ri Q'axanri'il 22:38

Y ri Balaam xubij chire ri Balac: Jare' ink'o chik re wakami. Jak'a man yitikir ta yich'on rik'in ri nuch'abel yin, xa kan xaxe ri ch'abel ri xtuya' ri Dios chuwe, jari' ri xtinbij, xcha'.

Ex 4:12

Wakami k'a kabiyin y yin xkik'oje' awik'in, y yin xtinbij chawe ri k'o chi xtabij, xcha' ri Dios chire.

1 Corintios 11:23

Jak'a ri ruchojmilal ri nuya'on chiwe yin, kan ja wi ri ajaw ri xya'on chuwe. Y ri ruchojmilal ri' nubij k'a chi ri ajaw Jesús, toq nijach yan el pa kiq'a' ri winaqi', chupan ri aq'a' ri' rija' xuchop jun kaxlan-wey.

Deut 5:31

Jak'a rat yak'oje' kan wawe' wik'in, richin ninbij chawe ronojel ri nupixa' richin xkentijoj. Y wi rije' kan xtikitaqej ri pixa', chuqa' xkek'oje' chupan ri ruwach'ulew ri xtinbenya' chike, xcha' chuwe.

1 Corintios 15:1

Wach'alal, pa nabey, toq xik'oje' chi'ikojol, xintzijoj chiwe ri utzilej ch'abel richin kolotajik. Y rix kan xik'ul-wi ri ch'abel ri xintzijoj chiwe, y kan xkuqer-wi ik'u'x rik'in.

Ex 3:12

Y ri Dios xubij chire: Kabiyin, roma yin kan xkik'oje' awik'in, y ja retal re' ninya' chawe chi kan ja yin ri yitaqon awichin, chi toq xke'awelesaj-pe pan Egipto, jari' toq rix xkinisamajij pa ruwi' re juyu' re', xcha' ri Dios chire.

Ex 4:28

Jari' toq ri Moisés xutzijoj chire ri rach'alal ronojel ri rubin-pe ri Jehová chire y chuqa' ri nima'q taq banobel richin retal ri k'o chi nuben.

Ex 4:30

y ri Aarón xutzijoj k'a ronojel ri rubin-pe ri Jehová chire ri Moisés, y xuben chuqa' ri nima'q taq banobel richin retal chikiwech ri winaqi'.

Wuj Richin ri Q'axanri'il 16:28

Y xeri' ri Moisés k'a xch'on na chik kik'in ri winaqi' y xubij k'a chike: Xaxe re kere' xtiwetamaj chi kan ja ri Jehová in taqayon-pe, richin ninben ronojel ri nitz'et; y xa man nuna'oj ta yin ninkusaj richin nintz'uk richin ninben-q'anej kere'.

1 Sam 16:3

Y toq xtasuj ri kamelabel ri' tawoyoj ri Isaí, y yin xtink'ut chawech ri k'o chi naben. Y ri xtink'ut chawech yin, pa ruwi' ri' xtaqasaj ri aceite, xcha' ri Jehová.

Wuj Richin Bix Chire ri Dios 51:15

Ajaw, tabana' chuwe chi yin yitikir yibixan, richin kan xkatinnimirisaj rik'in ri nubix.

Wuj Richin ri Jeremías 36:32

K'ari' xinbenk'ama' chik pe jun boton wuj y xinya' chire ri Baruc ri nutz'ibanel. Y rija' xutz'ibaj chupan ri wuj ronojel ri ninbij chire richin xutz'ibaj chupan ri jun chik wuj, ruk'exel ri xuporoj ri Joaquim rey richin Judá y chuqa' xutz'ibaj chik el ch'aqa' ch'abel chupan.

Wuj Richin Bix Chire ri Dios 25:12

Ri nikixibij-ki' chawech kan xtiketamaj ri bey ri k'o chi nikik'uaj.