Ex 39:8 - Kaqchiquel Bible

⁸ Xuben chuqa' ri ti peqes ri nibe chuwech ri efod y re' chuqa' kan jebel rubanik xuben chire. Kan achi'el rubanik ri tzieq richin ri efod, ri banon rik'in lino y q'anapueq, betz' raxroj, q'eqq'oj-keq, keq y lino batz'in.

Ex 39:8 ပူးပေါင်းရင်းမြစ်များ

Ex 28:4

Jare' ri tzieq ri k'o chi nikiben: Ri ti peqes ri nuk'uaj chuwa-ruk'u'x, ri tzieq efod, ri ko'ol raqen rutziaq, ri nim raqen rutziaq ri tz'ison ruwech, jun kuchubel-rujolon retal ri rusamaj y ri ximibel-rupan. Je rije' k'a ri xkebanon re jalajoj kiwech tzieq re', richin ri Aarón, kichin ri e ruk'ajol, richin jari' ri xtikikusaj richin nikiben ri rusamaj jun sacerdote.

Efesios 6:14

Roma ri', kow k'a kixpa'e'.*f7* Tikusaj ri qitzijri'il richin nito-iwi', achi'el nikusaj ri ximibel ipan. Tikusaj ri ruchojmilal achi'el nikusaj ri tobel ruwa-ik'u'x.

Wuj Richin ri Isaías 59:17

Ri Dios xukusaj ri ruchojmilal y ri ruchuq'a' achi'el nikusex ri kamisabel richin yerukol ri choj kik'aslen y nuya' rutojbalil pa kiwi' ri man utz ta kik'aslen.

Wuj Richin Bix Chire ri Dios 89:28

Ri wutzil kan jantape' k'a xtik'oje' pa ruwi'. Ri nujikibel-tzij kan jantape' k'a xtijike' rik'in rija'.

Ex 25:7

chuqa' utz nikik'en-pe ri jebelej taq abej ónike y ch'aqa' chik kiwech jebelej taq abej richin xtiya'ox chuwech ri tzieq efod*f10* ri banon rik'in lino y richin xtiya' chuwech ri ti peqes ri xtuk'uaj chuwa-ruk'u'x ri nimalej sacerdote.

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Ex 39:9

Ri retabal jun q'a'aj chi kaji' ruchi' y ka'i' ruwech tzieq ri ruk'uan.