Ex 39:42 - Kaqchiquel Bible

⁴² Ronojel ri samaj ri xkiben ri winaqi', kan xel k'a achi'el ri xubij ri Jehová chire ri Moisés.

Ex 39:42 ပူးပေါင်းရင်းမြစ်များ

1 Rey 6:38

Y chupan ri juna' julajuj, chupan ri ik' waqxaqi' rubini'an Bul, jari' toq xk'achoj-q'anej ri rachoch ri Jehová achi'el ri rubanik ri bin. Wuqu' k'a juna' ri xuk'uaj richin xban-q'anej ri rachoch ri Dios.

2 Crón 8:15

Y kan man xkijech'ej ta kan ki', chire ri ruchojmilal ri ruya'on ri Salomón pa kiwi' ri e sacerdote y ri e levita, y keri' chuqa' xkiben rik'in ri beyomel richin ri rachoch ri Jehová,

Ex 12:28

Y ri achi'a' ri k'o kiq'ij richin ri Israel, xetzolin y xbekibij chike ri winaqi', ri rubin ri Jehová chike ri Moisés y ri Aarón.

Ex 35:10

Konojel k'a ri achi'a' ri kan ketaman nikiben jun ruwech samaj, kepe k'a y je rije' ri kebanon ronojel ri rubin chik ri Jehová:

Ex 39:32

Keri' xk'achoj ronojel ri samaj richin ri rachoch ri Dios, ri richin molojri'il. Ri winaqi' kan xkiben k'a achi'el ri xubij ri Jehová chire ri Moisés.

Ex 39:41

ri tzieq kemon ri nukusex richin ri samaj chupan ri rachoch ri Dios nel chi tzij, ri rutziaq ri Aarón, ri nimalej sacerdote y chuqa' ri kitziaq ri e ruk'ajol, richin nikiben ri samaj richin sacerdote.

Ex 39:43

Y ri Moisés xutz'et k'a chi ronojel ri samaj kan utz xuben, kan xel k'a achi'el ri xbix chire roma ri Jehová. Xeri' ri Moisés xuya' urtisanik pa kiwi' ri winaqi' ri xebanon ri samaj.

Wuj Richin ri Jeremías 13:5

K'ari' yin xibe chiri' y xinwewaj kan, achi'el xubij ri Jehová chuwe.

Wuj Richin ri Q'axanri'il 9:22

Wi ri sutz' nipa'e' pa ruwi' ri rachoch ri Dios jun ka'i' q'ij, o jun ik', o jun juna'; rokik pa'el chiri', ri winaqi' israelita yek'oje' chiri' y man yesilon ta el. Jak'a toq ri sutz' niyakatej-el, rije' chuqa' ye'el-el chiri' y yebe.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

2 Timoteo 2:15

Kan tatija' aq'ij yatok jun utzilej samajel chuwech ri Dios, ri man jun achike ta roma yak'ix y kan nak'ut jebel ri qitzij ruch'abel ri Dios.

2 Timoteo 4:7

Yin kan xich'akon yan chirij ronojel, xink'is yan rubanik ri k'o chi ninben y kan jantape' nuchajin-pe ri nukuqubabel-k'u'x.