Ex 39:32 - Kaqchiquel Bible

³² Keri' xk'achoj ronojel ri samaj richin ri rachoch ri Dios, ri richin molojri'il. Ri winaqi' kan xkiben k'a achi'el ri xubij ri Jehová chire ri Moisés.

Ex 39:32 ပူးပေါင်းရင်းမြစ်များ

1 Rey 6:38

Y chupan ri juna' julajuj, chupan ri ik' waqxaqi' rubini'an Bul, jari' toq xk'achoj-q'anej ri rachoch ri Jehová achi'el ri rubanik ri bin. Wuqu' k'a juna' ri xuk'uaj richin xban-q'anej ri rachoch ri Dios.

1 Rey 7:40

Ri Huram xeruben chuqa' jalajoj kiwech bojo'y y pala elesabel chaj. Keri', xuk'is k'a rubanik ronojel ri samaj richin ri rachoch ri Jehová, ri xubij ri rey Salomón chire, y ja ronojel re' ri xuben: Ri ka'i' pilar, Ri ka'i' retz'aba'l ruwi' ri ka'i' pilar, Ri ka'i' wiqobel ri xuben ri achi'el ya'l rubanik ri richin ri retz'aba'l ruwi' ri ka'i' pilar, Ri 400 ruwachibel granada richin xuya' chuchi' ri ka'i' achi'el ya'l rubanik, ri wok'al xeruyala' pa jujun cholaj, Ri lajuj carretón rik'in kokoj yakbel-ya', Ri nimalej yakbel-ya' y ri kablajuj kiwachibel bóyix, Ri jalajoj kiwech bojo'y y ri pala elesabel chaj. Ronojel re samajibel re' richin ri rachoch ri Jehová, xeruben ri Huram achi'el ri xbix chire roma ri rey Salomón. Y re' xeruben rik'in q'enq'oj-pueq y kan jebel yerepelun xeruben chire.

1 Crón 28:19

K'ari' ri David xubij chire ri Salomón: Ronojel re' tz'ibatel kan chupan ri wuj ri xuq'alajirisaj chinuwech ri Jehová.

Ex 12:28

Y ri achi'a' ri k'o kiq'ij richin ri Israel, xetzolin y xbekibij chike ri winaqi', ri rubin ri Jehová chike ri Moisés y ri Aarón.

Ex 25:40

Tatz'eta' jebel richin chi toq rije' xtikiben, kan tikibana' chire achi'el rubanik re jun re xatzu' kan re wawe' pa ruwi' re juyu'.

Ex 31:7

Y je achi'a' re' ri xkebanon ri wachoch richin molojri'il, ri káxa richin ri jikibel-tzij, ri tz'apebel ruwi' ri káxa y ri nik'atzin chupan ri wachoch yin.

Ex 39:31

Xeri' re tz'ajtz'ik q'anapueq re' xya'ox chuwech jun ti ripirik tzieq, ri ti nim raqen, ri banon rik'in betz' raxroj richin xxim-apo chuwech ri kuchubel-rujolon ri Aarón, retal ri rusamaj, achi'el ri xubij ri Jehová chire ri Moisés.

Ex 39:33

Ri xebanon ri samaj xkijech k'a kan pa ruq'a' ri Moisés ri rachoch ri Dios ri xban rik'in tzieq y ronojel ri yek'atzin chupan: Ri chapbel-tzieq, ri marco, ri baloj che' ri yeq'e'e' pa ruwi', ri xata't y ri kich'okolibal,

Ex 40:1

Xeri' ri Jehová xch'on chik jun bey rik'in ri Moisés y xubij chire:

Ex 40:3

Xtaya-apo ronojel re' chupan: Ri káxa richin ri nujikibel-tzij, ri peraj tzieq ri nich'aron rupan ri jay.

Ex 40:32

Ronojel mul toq ye'ok-apo chupan ri rachoch ri Dios y toq yejel-apo rik'in ri porobel, kan k'o chi nikich'ej ri kiq'a' y ri kaqen; roma kan keri' rubin ri Jehová chire ri Moisés.

Wuj Richin ri Q'axanri'il 3:31

Pa kiq'a' k'a rije' xtik'oje-wi ri káxa richin ri jikibel-tzij, ri mesa, ri taq candil, ri porobel richin kamelabel, ri porobel pom y ronojel ri samajibel ri yek'atzin, y chuqa' ri tzieq ri achoq ik'in ch'aron-wi rupan ri rachoch y ronojel ri samajibel ri nik'atzin chire ri tzieq ri'.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Hebreos 3:2

Ri Cristo Jesús kan xuben-wi ri samaj ri xuya-pe ri Dios chire, achi'el xuben ri Moisés, ri man xerumalij ta kan ri e ruwinaq ri Dios.

Hebreos 8:5

Ri jay ri akuchi yesamej-wi ri sacerdote ri' y ronojel ri k'o chupan ri jay, kan ruwachibel k'a ri rachoch ri Dios ri k'o chila' chikaj. Y roma ri', toq man jani niban ri jay wawe' chuwech re ruwach'ulew, ri Dios xubij chire ri Moisés:*f20* Tatz'eta' jebel richin chi toq rije' xtikiben, kan tikibana' chire achi'el rubanikil re jun re xatzu' kan re wawe' pa ruwi' re juyu', xcha'.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.