Ex 39:30 - Kaqchiquel Bible

³⁰ Chuqa' xuben jun ti tz'ajtz'ik q'anapueq, ri kan jebel ch'ajch'oj. Y chuwech ri' xuben-wi ri tzij ri nubij: RI KAN RICHIN RI JEHOVÁ.

Ex 39:30 ပူးပေါင်းရင်းမြစ်များ

Apocalipsis 5:10

Xaben chiqe chi xojok jun tzobaj winaqi' richin ri rajawaren ri Dios, chi xojok sacerdote richin niqasuj sipanik chuwech kan xtiqaq'et k'a tzij pa ruwi' ri ruwach'ulew, yecha'.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

1 Corintios 1:30

Jak'a xuben chiqe roj chi jun qabanon rik'in ri Cristo Jesús. Ri na'oj richin ri Dios xpe qik'in roj roma ri Cristo. Chuqa' xuben chi roma rija' man jun qamak yojk'ulun chuwech, oj ch'aron chik richin rija' y oj kolotajineq chik.

Wuj Richin ri Zacarías 14:20

Chupan k'a ri ruq'ijul ri', kan k'o k'a ri xtibetz'ibex chikiwech ri taq klun ri nitzeqe' chikiqul ri kiej, y kere' nubij: Kan Ch'aron Chire ri Jehová. Y chuqa' xtitz'ibex chuwech ri bojo'y ri nikusex chupan ri rachoch ri Dios, y chuqa' chikiwech ri nima'q taq leq ri ye'ukusex chuwech ri porobel.

Ex 26:36

Richin ri pan okibel chire ri wachoch xtikiben k'a chuqa' jun peraj tzieq y re' xtiban rik'in ri betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y xkekitz'is k'a retz'aba'l ruwech ri peraj tzieq ri'.

Ex 39:29

Ri ximibel-rupan xuben chuqa' rik'in lino ri jebel batz'in y xuben rik'in ri betz' raxroj, ri q'eqq'oj-keq y keq y kan jebel k'a rutz'isik ri ruwech xuben chire, achi'el ri xubij ri Jehová chire ri Moisés.

Ex 39:31

Xeri' re tz'ajtz'ik q'anapueq re' xya'ox chuwech jun ti ripirik tzieq, ri ti nim raqen, ri banon rik'in betz' raxroj richin xxim-apo chuwech ri kuchubel-rujolon ri Aarón, retal ri rusamaj, achi'el ri xubij ri Jehová chire ri Moisés.