Ex 39:29 - Kaqchiquel Bible

²⁹ Ri ximibel-rupan xuben chuqa' rik'in lino ri jebel batz'in y xuben rik'in ri betz' raxroj, ri q'eqq'oj-keq y keq y kan jebel k'a rutz'isik ri ruwech xuben chire, achi'el ri xubij ri Jehová chire ri Moisés.

Ex 39:29 ပူးပေါင်းရင်းမြစ်များ

Ex 25:4

Utz chuqa' nikik'en-pe ri betz' raxroj, q'eqq'oj-keq y keq yetzu'un, chuqa' ri betz' lino jijoj ruwech y ri rusumal tzuntzun,

Ex 26:36

Richin ri pan okibel chire ri wachoch xtikiben k'a chuqa' jun peraj tzieq y re' xtiban rik'in ri betz' lino ri jebel rubatz'ixik, ri raxroj, ri q'eqq'oj-keq y keq nitzu'un. Y xkekitz'is k'a retz'aba'l ruwech ri peraj tzieq ri'.

Ex 27:16

Ri ruchi' ri akuchi xtiban-wi-apo oken ri chuwa-jay, chiri' k'a xtikitzeqeba' jun peraj tzieq, ri wo'o' jaj rik'in ka'i' q'a'aj raqen, ri banon rik'in betz' lino ri jebel rubatz'ixik, ri raxroj, ri q'eqq'oj-keq y ri keq yetzu'un y kan jebejoj ok rutz'isik ri retz'aba'l ri xtiban chire. Chuqa' xtikiben kaji' xata't y kaji' ruch'okolibal richin nitzeqebex re tzieq re'.

Ex 28:39

Xtikem k'a jun nim raqen rutziaq ri Aarón rik'in betz' lino; rik'in chuqa' ri betz' ri' xtiben jun kuchubel-rujolon, retal rusamaj; y xtiben chuqa' jun ximibel-rupan rik'in retz'aba'l ruwech y kan jebejoj ok rutz'isik xtiben chire.

Ex 39:28

Keri' chuqa' xuben ri kuchubel-rujolon ri Aarón, retal ri rusamaj y ri retz'aba'l xuben chuqa' rik'in ri lino jijoj ruwech, y ri rupan kitziaq chuqa' xuben rik'in lino batz'in jijoj ruwech.

Ex 39:30

Chuqa' xuben jun ti tz'ajtz'ik q'anapueq, ri kan jebel ch'ajch'oj. Y chuwech ri' xuben-wi ri tzij ri nubij: RI KAN RICHIN RI JEHOVÁ.