Ex 39:28 - Kaqchiquel Bible

²⁸ Keri' chuqa' xuben ri kuchubel-rujolon ri Aarón, retal ri rusamaj y ri retz'aba'l xuben chuqa' rik'in ri lino jijoj ruwech, y ri rupan kitziaq chuqa' xuben rik'in lino batz'in jijoj ruwech.

Ex 39:28 ပူးပေါင်းရင်းမြစ်များ

Ex 28:32

Xtipoch' k'a ri ruqul y xtitz'is jun ti tzieq ti ko'ol ruwech, chuchi' chijun ri rusetelen richin man nijistej ta.

Ex 28:39

Xtikem k'a jun nim raqen rutziaq ri Aarón rik'in betz' lino; rik'in chuqa' ri betz' ri' xtiben jun kuchubel-rujolon, retal rusamaj; y xtiben chuqa' jun ximibel-rupan rik'in retz'aba'l ruwech y kan jebejoj ok rutz'isik xtiben chire.

Ex 28:4

Jare' ri tzieq ri k'o chi nikiben: Ri ti peqes ri nuk'uaj chuwa-ruk'u'x, ri tzieq efod, ri ko'ol raqen rutziaq, ri nim raqen rutziaq ri tz'ison ruwech, jun kuchubel-rujolon retal ri rusamaj y ri ximibel-rupan. Je rije' k'a ri xkebanon re jalajoj kiwech tzieq re', richin ri Aarón, kichin ri e ruk'ajol, richin jari' ri xtikikusaj richin nikiben ri rusamaj jun sacerdote.

Ex 28:40

Xtiben chuqa' ri nim raqen kitziaq ri e ruk'ajol ri Aarón, chuqa' ri ximibel-kipan y ri kuchubel-kijolon; re' kan nuk'ut chi k'o kiq'ij y kan ruk'amon richin nikikusaj.

Ex 28:42

Tibana' chuqa' rupan kitziaq richin nutz'apej ri kich'akul, ri nel-el xekipan y napon-qa pa kich'ek y re' kan ja ri lino ri jebel batz'in ruwech ri nikusaj chike.

Ex 39:27

Xuben chuqa' ri nim raqen rutziaq ri Aarón y ri kitziaq ri e ruk'ajol, kan junan k'a xuben chike y xukem rik'in ri betz' lino jijoj ruwech. Re tzieq re' kan janila k'a jebel rukemik.

Ex 39:29

Ri ximibel-rupan xuben chuqa' rik'in lino ri jebel batz'in y xuben rik'in ri betz' raxroj, ri q'eqq'oj-keq y keq y kan jebel k'a rutz'isik ri ruwech xuben chire, achi'el ri xubij ri Jehová chire ri Moisés.

Wuj Richin ri Jeremías 13:18

Y ri Dios xuya' k'a jun rutzijol chuwe richin chi ninbij chiwe: Rat rey y ri ate', k'o chi niya' kan ri itz'uyubal y tiwelesaj ri i-corona, roma ri ajawaren kan xtelesex pan iq'a'.

Ez 44:18

K'o chi nikikusaj jun kuchubel-kijolon retal kisamaj y re kuchubel re' k'o chi banon rik'in lino. Chuqa' k'o chi nikikusaj ri rupan ri kitziaq banon rik'in lino y man jun chik tzieq nikikusaj ri nuben chike chi yetz'oqpin.

Wuj Richin ri Chojmirisabelri'il 6:10

Y ri nimaq'a' ri sacerdote k'o chi nukusaj-el ri rutziaq y chuqa' ri rupan rutziaq ri e banon rik'in lino, y k'ari' xtujok-el ri ruchajul ri chikop y xtumol chiri' chunaqaj ri porobel.