Ex 39:26 - Kaqchiquel Bible

²⁶ Nel chi tzij chi xtzeqe' jun ti campana y k'ari' xbe jun ruwachibel granada, xeri' xtzeqe' jun chik ti campana y xbe chik jun ruwachibel granada y keri' xuben chire chijun ri ruchi' ri tzieq. Re tzieq re' jare' ri nukusaj ri sacerdote toq nok-apo chuwech ri Jehová. Kan xuben k'a chire ronojel achi'el ri xubij ri Jehová chire ri Moisés.

Ex 39:26 ပူးပေါင်းရင်းမြစ်များ

Ex 28:34

Nel chi tzij chi nitzeqeba' jun ti campana y k'ari' nibe jun ruwachibel granada, xeri' nitzeqeba' jun chik ti campana y nibe chik jun ruwachibel granada y keri' xtiben chire chijun ri ruchi' ri tzieq.

San Mateo 9:20

Jak'a k'o jun ixoq yawa', ri k'o yan chik kablajuj juna' nibiyin rukik'el y man tanel ta. Rija' xjel k'a apo rik'in ri Jesús ri chirij, y xberuchapa' k'a kan juba' ri ruchi-rutziaq,

Wuj Richin ri Nimalej Bix 6:7

Ri apalej keq niq'alajin-pe chupan ri a-velo; kan achi'el nik'ajta'q taq granada nitzu'un.

Wuj Richin ri Nimalej Bix 4:13

Ri ka'i' aq'a' kan e jubul-jubul roma ri ruxla' ri awaq'om: Kan achi'el kuxla' ri granada, y ri ch'aqa' chik jalajoj kiwech kotz'i'j, achi'el ri alhena, ri nardo,

Wuj Richin ri Nimalej Bix 4:3

Ri ti achi' kan keq-keq achi'el ri betz' keq. Y toq yach'on, kan jebel ok niq'alajin. Ri apalej kan keq yeq'alajin-pe chupan ri a-velo, kan achi'el nik'ajta'q taq granada.

Deut 22:12

Tibana' taq retz'aba'l chi kaji' ruchi' ri itziaq ri achi'el taq k'olok'eq kibanik.

Ex 28:33

Y ri chuqul-qa raqen ri tzieq ri', chijun ri ruchi', niben retz'aba'l rik'in kiwachibel granada y ja ri betz' raxroj, q'eqq'oj-keq y keq yetzu'un, ri xtikusaj. Chikikojol re wachibel re', ri k'a ri chuchi-qa xke'itzeqeba' taq campana ri e banon rik'in q'anapueq.

Ex 39:25

Chuqa' xeruben taq campana rik'in q'anapueq ri jebel ch'ajch'oj y xerutzeqeba' chijun ri chuchi-qa chikikojol ri kiwachibel ri granada.

Ex 39:27

Xuben chuqa' ri nim raqen rutziaq ri Aarón y ri kitziaq ri e ruk'ajol, kan junan k'a xuben chike y xukem rik'in ri betz' lino jijoj ruwech. Re tzieq re' kan janila k'a jebel rukemik.